وزیر دفاع خواجہ آصف نے کہا ہے کہ ایران جنگ کے دوران پاکستان نے جو کردار ادا کیا وہ ہمیشہ یاد رکھا جائے گا، پاکستان نے امن کے لیے کوششیں کیں اور خطے میں اپنا مثبت کردار ادا کیا۔
میڈیا رپورٹ کے مطابق وزیر دفاع خواجہ آصف نے کہا ہے کہ ایران جنگ کے دوران پاکستان کا کردار قیامت تک یاد رکھا جائے گا اور ملک نے اس مشکل وقت میں امن کے قیام کے لیے اہم کردار ادا کیا۔
یہ بھی پڑھیں:ایرانی صدر ڈاکٹر مسعود پزشکیان کو پاکستان میں اعزازی فیلو شپ سے نواز دیا گیا
سیالکوٹ میں میڈیا سے گفتگو کرتے ہوئے خواجہ آصف نے کہا کہ یوم عاشور ایسے وقت میں آیا جب خطے میں جنگی صورتحال جاری تھی۔ ان کے مطابق ایرانی عوام نے اس موقع پر صبر اور قربانی کے جذبے کو اجاگر کیا۔
سیالکوٹ،وزیر دفاع خواجہ محمد آصف کی یومِ عاشور کے جلوس کے موقع پر میڈیا سے گفتگو
امام حسینؓ کی قربانی حق، صبر اور استقامت کا لازوال پیغام ہے، خواجہ محمد آصف
ایران نے اسرائیل کے خلاف ثابت قدمی کا مظاہرہ کر کے شہدائے کربلا کی سنت کو زندہ کیا، خواجہ محمد آصف
ایرانی قوم کی جرات اور… pic.twitter.com/epSdaTrFEj— PTV News (@PTVNewsOfficial) June 26, 2026
وزیر دفاع نے کہا کہ پاکستان نے دونوں ممالک کے درمیان کشیدگی کم کرنے اور بات چیت کے راستے ہموار کرنے کے لیے اپنا کردار ادا کیا، جس سے ملک کا عالمی وقار بلند ہوا۔
انہوں نے کہا کہ وزیراعظم اور فیلڈ مارشل کی قیادت میں پاکستان نے سفارتی محاذ پر مؤثر اقدامات کیے اور پوری امت کے سامنے سرخرو ہوا۔
یہ بھی پڑھیں:اسلام آباد مفاہمتی یادداشت: ایران کا پاکستان کے کردار کا باضابطہ اعتراف، صدر مسعود پزشکیان کا دورہ نہایت اہم
خواجہ آصف کا کہنا تھا کہ واقعہ کربلا ہمیں حق، صبر اور اصولوں پر قائم رہنے کا درس دیتا ہے، جبکہ موجودہ حالات میں بھی امن، انصاف اور انسانی اقدار کو ترجیح دینی چاہیے۔
انہوں نے مزید کہا کہ دنیا کے مختلف حصوں میں جہاں مسلمانوں سمیت دیگر مظلوم طبقات مشکلات کا شکار ہیں، اللہ تعالیٰ انہیں آزادی اور امن نصیب فرمائے۔
وزیر دفاع نے امید ظاہر کی کہ خطے میں امن و استحکام کے لیے کوششیں جاری رہیں گی اور پاکستان اپنا مثبت کردار ادا کرتا رہے گا۔
