نائب وزیراعظم اور وزیر خارجہ اسحاق ڈار نے ایرانی وزیر خارجہ عباس عراقچی سے رابطہ کر کے خطے میں پائیدار امن اور استحکام کے لیے پاکستان کے تعمیری کردار کو جاری رکھنے کے عزم کا اعادہ کیا ہے۔
ترجمان دفتر خارجہ کے مطابق نائب وزیراعظم اور وزیر خارجہ سینیٹر محمد اسحاق ڈار نے گزشتہ رات ایرانی وزیر خارجہ عباس عراقچی سے ٹیلی فون پر گفتگو کی۔
Deputy Prime Minister and Foreign Minister Senator Mohammad Ishaq Dar @MIshaqDar50 spoke to Iranian FM Abbas Araghchi @araghchi last night.
DPM/FM reaffirmed Pakistan’s commitment to play its constructive role for achieving the goal of lasting peace and stability in the region… pic.twitter.com/H1mXTGM1Ap
— Ministry of Foreign Affairs – Pakistan (@ForeignOfficePk) June 27, 2026
گفتگو کے دوران اسحاق ڈار نے کہا کہ پاکستان خطے اور اس سے باہر دیرپا امن اور استحکام کے قیام کے لیے اپنا مثبت اور تعمیری کردار ادا کرتا رہے گا۔
ایرانی وزیر خارجہ عباس عراقچی نے امن عمل کو آگے بڑھانے میں پاکستان کی مسلسل حمایت کو سراہا اور تعاون پر شکریہ ادا کیا۔
یہ بھی پڑھیں:آبنائے ہرمز میں جہاز پر حملہ، ٹرمپ کا ایران کو جواب دینے کا عندیہ
عباس عراقچی نے ایرانی عملے کے ارکان اور ماہی گیروں کی بحفاظت وطن واپسی میں پاکستان کی معاونت پر بھی اظہار تشکر کیا۔
دونوں وزرائے خارجہ نے اس بات پر اتفاق کیا کہ خطے کی صورتحال اور باہمی امور پر قریبی رابطہ برقرار رکھا جائے گا۔
