وفاقی وزیر اطلاعات و نشریات عطا اللہ تارڑ نے کہا ہے کہ آپریشن ’غضب للحق‘ کے تحت سیکیورٹی فورسز نے 28 اور 29 جون کی درمیانی شب افغانستان کے سرحدی علاقوں پکتیا، پکتیکا اور کنڑ میں کالعدم تنظیم جماعت الاحرار اور فتنہ الخوارج کے دہشتگردوں کے کیمپوں اور محفوظ ٹھکانوں کو کامیابی سے نشانہ بنایا۔
Under Operation Ghazb Lil Haq, security forces precisely struck terrorist camps and safe havens of Jamaat-ul-Ahrar and Fitna al-Khwarij in Paktia, Paktika and Kunar, eliminating terrorists and destroying weapons and ammunition stockpiles on night 28/29June. https://t.co/UV2lqXir7I pic.twitter.com/Xfdgtob2Ca
— Attaullah Tarar (@TararAttaullah) June 29, 2026
عطا اللہ تارڑ نے سماجی رابطے کی ویب سائٹ ایکس پر جاری اپنے بیان میں کہا کہ کارروائی کے دوران متعدد دہشتگرد ہلاک ہوئے، جبکہ ان کے زیر استعمال اسلحہ اور گولہ بارود کے ذخائر بھی مکمل طور پر تباہ کر دیے گئے۔
مزید پڑھیں: آپریشن ’غضب للحق‘: شمالی وزیرستان میں پاک فوج کی فضائی کارروائی، متعدد ٹھکانے تباہ
انہوں نے کہا کہ یہ کارروائی انتہائی درست معلومات اور مؤثر حکمت عملی کے تحت کی گئی، جس کا مقصد دہشتگردوں کی محفوظ پناہ گاہوں کا خاتمہ اور ملک کی سلامتی کو یقینی بنانا تھا۔
