فیفا ورلڈ کپ کے ناک آؤٹ مرحلے میں مراکش نے سنسنی خیز مقابلے کے بعد نیدرلینڈز کو پینالٹی شوٹ آؤٹ میں 2-3 سے شکست دے کر آخری 16 مرحلے میں جگہ بنا لی۔
مونتری میں پیر کو کھیلے گئے اس مقابلے میں مقررہ وقت اور اضافی وقت کے اختتام پر دونوں ٹیمیں 1-1 سے برابر تھیں۔
پینالٹی شوٹ آؤٹ میں مراکش کے گول کیپر یاسین بونو نے نیدرلینڈز کے چوتھے پینالٹی شوٹ پر کریسینسیو سمرول کی کوشش ناکام بنا کر اپنی ٹیم کو برتری دلائی، جس کے بعد اسماعیل صیباری نے فیصلہ کن پینالٹی پر گول کر کے مراکش کو 2-3 سے فتح دلا دی۔
🚨Noussair Mazraoui with a Man of the Match performance against the Netherlands! 🇲🇦❤️
A complete display from Mazraoui as he helped Morocco book their place in the World Cup Round of 16. 👏🔥 pic.twitter.com/P5WsmnGhzC
— Manchester United Forever (@UtdForever7) June 30, 2026
میچ کا فیصلہ آخری لمحات تک نہ ہو سکا، نیدرلینڈز نے 72ویں منٹ میں کوڈی گاکپو کے گول کی بدولت برتری حاصل کی تھی، تاہم انجری ٹائم کے پہلے منٹ میں عیسیٰ دیوپ نے متبادل کھلاڑی شمس الدین طالبی کے کراس پر شاندار ہیڈر کے ذریعے گول کر کے مقابلہ اضافی وقت میں پہنچا دیا۔
گاکپو نے چند روز قبل اپنی شریکِ حیات کے حمل کے دوران ہونے والے بچے کے انتقال کے صدمے کے باوجود میدان میں اتر کر گول اسکور کیا۔
یہ بھی پڑھیں: فیفا ورلڈ کپ: ڈی آر کانگو نے تاریخ رقم کردی، انگلینڈ گروپ چیمپئن، کروشیا بھی کامیاب
گول کرنے کے بعد وہ جذبات پر قابو نہ رکھ سکے اور میدان میں آبدیدہ ہو گئے، جبکہ ساتھی کھلاڑیوں نے انہیں گلے لگا کر تسلی دی۔
پہلے ہاف میں مراکش نے نسبتاً بہتر مواقع پیدا کیے۔ 20ویں منٹ میں نیل العیناوی اشرف حکیمی کے کارنر پر گول کرنے کے قریب پہنچے، مگر نیدرلینڈز کے گول کیپر بارٹ فربروگن نے شاندار ریفلیکس سیو کر کے اپنی ٹیم کو بچا لیا۔
چند لمحوں بعد حکیمی کی طاقتور شاٹ بھی فربروگن نے کراس بار کے اوپر پہنچا دی۔
Full penalty shootout between Netherlands and Morocco, these are the worst penalties you’ll ever see in your life 😭 pic.twitter.com/R3cbntnQHH
— AM☬ (@AbsoluteMxssi) June 30, 2026
دوسری جانب نیدرلینڈز کا بہترین موقع پہلے ہاف کے اختتام سے قبل آیا، جب مکی فان ڈی وین کی زوردار شاٹ کو بونو نے عمدہ انداز میں بچا لیا۔
میچ کے دوران دونوں ٹیموں کے کھلاڑیوں نے جارحانہ کھیل پیش کیا اور متعدد سخت ٹیکلز دیکھنے میں آئیں، جس کے باعث برازیلین ریفری ولٹن سمپائیو کو کئی مواقع پر مداخلت کرنا پڑی۔
دوسرے ہاف میں نیدرلینڈز کے کوچ رونالڈ کومان نے واؤٹ ویگھورسٹ کو میدان میں اتارا، جنہوں نے آتے ہی حملے میں جان ڈال دی۔
This Morocco fan did the Lumumba stance after their World Cup win over the Netherlands 🇳🇱… Lumumbavea would be proud. 😂👏 pic.twitter.com/ujVp0qpXxT
— Cleverly 💐 (@Cleverlydey4u) June 30, 2026
انہی کی ہیڈ کے بعد سمرول نے گیند گاکپو کے سامنے پہنچائی، جنہوں نے قریب سے گول کر کے اپنی ٹیم کو برتری دلائی۔
تاہم نیدرلینڈز کی یہ برتری برقرار نہ رہ سکی اور انجری ٹائم میں دیوپ کے ہیڈر نے مقابلے کو اضافی وقت میں پہنچا دیا۔
اضافی وقت میں بھی دونوں ٹیمیں فیصلہ کن گول نہ کر سکیں۔ 96ویں منٹ میں مراکش کے سفیان رحیمی کے پاس گول کرنے کا سنہری موقع آیا، لیکن فربروگن نے غیر معمولی سیو کر کے نیدرلینڈز کو بچا لیا۔
مزید پڑھیں: میسی کا نیا ورلڈ کپ ریکارڈ، مسلسل 7 میچوں میں گول کرنے والے پہلے کھلاڑی بن گئے
پینالٹی شوٹ آؤٹ میں اگرچہ مراکش کی پہلی پینالٹی نیل العیناوی ضائع کر بیٹھے، تاہم اس کے بعد بونو کی شاندار گول کیپنگ اور صیباری کی فیصلہ کن پینالٹی نے اٹلس لائنز کو فتح دلا کر ورلڈ کپ میں ان کی پیش قدمی یقینی بنا دی، جبکہ نیدرلینڈز کا سفر اختتام پذیر ہو گیا۔
اس کامیابی کے ساتھ مراکش نے پری کوارٹر فائنل میں جگہ بنا لی، جہاں ہفتے کو ہیوسٹن میں اس کا مقابلہ شریک میزبان کینیڈا سے ہوگا۔
