یوکرین کے دارالحکومت کیف پر روس نے رات بھر بیلسٹک اور کروز میزائلوں کے ساتھ ڈرونز سے بڑا حملہ کیا، جس کے نتیجے میں کم از کم 11 افراد ہلاک جبکہ 54 زخمی ہو گئے، جن میں 2 بچے بھی شامل ہیں۔
مزید پڑھیں:یوکرین کے خفیہ ڈرون دستے کی کہانی، اہلخانہ بھی بے خبر
یوکرینی حکام کے مطابق حملے میں شہر بھر میں 20 رہائشی عمارتوں سمیت متعدد شہری تنصیبات کو نقصان پہنچا، جبکہ کئی مقامات پر آگ بھڑک اٹھی اور کچھ عمارتیں جزوی طور پر منہدم ہو گئیں۔ حملوں کے دوران شہریوں نے میٹرو اسٹیشنوں میں پناہ لی۔
یوکرین کے وزیر خارجہ اندری سیبیہا نے اتحادی ممالک سے فضائی دفاعی نظام اور میزائلوں کی فراہمی تیز کرنے کا مطالبہ کرتے ہوئے کہا کہ ہلاکتوں میں مزید اضافہ ہو سکتا ہے کیونکہ امدادی کارروائیاں جاری ہیں۔
مزید پڑھیں:یوکرین کے روسی گیس پلانٹ اور مواصلاتی مراکز پر حملے، جنگ میں نئی شدت
دوسری جانب روس نے حالیہ ہفتوں میں کیف پر حملوں میں شدت پیدا کر دی ہے، جبکہ یوکرین بھی روسی فوجی اور توانائی تنصیبات پر طویل فاصلے تک مار کرنے والے ڈرون حملے جاری رکھے ہوئے ہے۔
