وزیراعظم میاں محمد شہباز شریف اور فیلڈ مارشل سید عاصم منیر نے اعلیٰ سطح کے وفد کے ہمراہ تہران پہنچ گئے ہیں، جہاں انہوں نے ایران کے سپریم لیڈر آیت اللہ علی خامنہ ای کی تجہیز و تکفین کی رسومات میں شرکت کی۔
پاکستانی قیادت نے گرینڈ مصلا امام خمینی آمد پر ایرانی صدر مسعود پزشکیان سے ملاقات کی اور آیت اللہ علی خامنہ ای کی شہادت پر گہرے دکھ اور افسوس کا اظہار کرتے ہوئے ان کے درجات کی بلندی کے لیے دعا کی۔
پاکستانی وفد کی تہران آمد اور استقبال
وزیراعظم شہباز شریف اور فیلڈ مارشل سید عاصم منیر کے ہمراہ پاکستان کا ایک اعلیٰ سطح کا وفد بھی تہران پہنچا، فیلڈ مارشل سید عاصم منیر اور ایران کے وزیر دفاع سے بھی ملاقات کی۔
یہ بھی پڑھیں:وزیراعظم شہباز شریف ایران روانہ، ایرانی قیادت سے باہمی تعاون اور خطے کی صورتحال پر تبادلہ خیال ہوگا
اس وفد میں نائب وزیراعظم و وزیر خارجہ اسحاق ڈار، پاکستان پیپلز پارٹی کے چیئرمین بلاول بھٹو زرداری، وفاقی وزیر اطلاعات عطا اللہ تارڑ، وزیر داخلہ محسن نقوی، سابق وزیراعلیٰ سندھ سید مراد علی شاہ اور دیگر اعلیٰ حکام شامل تھے۔
Tehran: 3 July 2026.
At the invitation of the President of the Islamic Republic of Iran H.E Dr Masoud Pezeshkian, Prime Minister Muhammad Shehbaz Sharif attended the funeral ceremony of the late Supreme Leader of the Islamic Republic of Iran, Ayatollah Seyyed Ali Khamenei, who… pic.twitter.com/BDD5wGIOMO
— Prime Minister’s Office (@PakPMO) July 3, 2026
تہران کے گرینڈ مصلا امام خمینی پہنچنے پر ایرانی وزیر خارجہ عباس عراقچی اور پارلیمنٹ کے اسپیکر محمد باقر قالیباف نے پاکستانی وفد کا گرمجوشی سے استقبال کیا۔
فاتحہ خوانی اور خراجِ عقیدت
رسوماتِ تکفین کے دوران وزیراعظم میاں شہباز شریف، فیلڈ مارشل سید عاصم منیر اور وفد کے دیگر ارکان نے شہید سپریم لیڈر آیت اللہ علی خامنہ ای کے لیے فاتحہ خوانی کی اور انہیں ملتِ اسلامیہ کے لیے خدمات پر زبردست خراجِ عقیدت پیش کیا۔
وزیراعظم نے اسلام کے لیے شہید سپریم لیڈر کی گراں قدر خدمات کو خراجِ عقیدت پیش کرتے ہوئے کہا کہ انہوں نے کئی دہائیوں تک غیر معمولی بصیرت، حکمت اور دوراندیشی کے ساتھ ایرانی قوم کی رہنمائی کی۔
وزیراعظم نے سپریم لیڈر، آیت اللہ سید مجتبیٰ حسینی خامنہ ای، صدر ڈاکٹر مسعود پزشکیان اور برادر عوامِ ایران کے ساتھ اس قومی سانحے پر مکمل یکجہتی کا اظہار کیا اور شہید رہنما کے درجات کی بلندی اور مغفرت کے لیے دعا کی۔
سینیٹ چیئرمین سید یوسف رضا گیلانی اور اسپیکر قومی اسمبلی سردار ایاز صادق کی قیادت میں پارلیمانی وفد، ارکانِ پارلیمان اور وزیراعلیٰ سندھ سید مراد علی شاہ نے بھی وزیراعظم کے ہمراہ جنازے میں شرکت کی۔
مزید پڑھیں:مشرق وسطیٰ جنگ: امریکا کا ایران پر شدید حملوں کا اعلان، تہران نے مذاکرات سے انکار کردیا
وزیراعظم نے ایرانی صدر مسعود پزشکیان سے گفتگو کرتے ہوئے کہا کہ ’آیت اللہ خامنہ ای کی شہادت نہ صرف ایران بلکہ پوری مسلم امہ کے لیے ایک ناقابلِ تلافی نقصان ہے اور پاکستان دکھ کی اس گھڑی میں اپنے ایرانی بھائیوں کے غم میں برابر کا شریک ہے۔‘ نمازِ جنازہ میں شرکت کے بعد وزیراعظم، جو آج ہی تہران پہنچے تھے، اپنے سرکاری دورۂ ترکیہ کے لیے استنبول روانہ ہوگئے۔
آیت اللہ علی خامنہ ای کا تاریخی سفرِ حیات
شہید آیت اللہ علی خامنہ ای ایران کی تاریخ کی چند اثر انگیز ترین شخصیات میں سے ایک تھے۔ وہ 1981 سے 1989 تک ایران کے صدر کے عہدے پر فائز رہے اور اسلامی انقلاب کے بعد ملک کو مشکل ترین حالات سے نکالا۔
انہوں نے اپنی ابتدائی تعلیم مشہد اور قم کے نامور دینی مدارس سے حاصل کی اور بعد ازاں وہ لگ بھگ 37 سال تک ایران کے اہم ترین اور کلیدی ترین عہدوں پر فائز رہے، جہاں انہوں نے ملکی سیاست، دفاع اور خارجہ امور میں دور رس فیصلے کیے۔
فیلڈ مارشل سید عاصم منیر ایران کےسپریم لیڈر خامنہ ای شہید کے نمازہ جنازہ میں شرکت کیلیے تہران پہنچ گئے ایران کے وزیر دفاع ، وزیر داخلہ اوراعلی سول ملٹری حکام نے فیلڈ مارشل سید عاصم منیر کا پرتپاک استقبال کیا pic.twitter.com/3y5LbuMP7o
— PTV News (@PTVNewsOfficial) July 3, 2026
پاکستانی سرکاری ٹیلی وژن (پی ٹی وی) کے مطابق فیلڈ مارشل سید عاصم منیر جمعہ کو تہران پہنچے، جہاں ایرانی حکام نے ان کا خیرمقدم کیا۔ وہ آیت اللہ علی خامنہ ای آخری رسومات میں پاکستان کی مسلح افواج کی نمائندگی کر رہے ہیں۔
یاد رہے کہ آیت اللہ علی خامنہ ای 28 فروری کو ایران پر امریکی اور اسرائیلی حملوں کے دوران جاں بحق ہوئے تھے۔ ان کی وفات کے بعد ایران میں ایک ہفتے پر محیط قومی سوگ اور تدفینی تقریبات جاری ہیں، جن میں مختلف ممالک کے سربراہان، اعلیٰ حکام اور عالمی شخصیات شریک ہو رہی ہیں۔
Prime Minister Shehbaz Sharif has arrived in Tehran to attend the funeral ceremony of Iran's late Supreme Leader Ayatollah Ali Khamenei. Upon arrival at Mehrabad Airport, he was received by Iran's Interior Minister Eskandar Momeni. Accompanied by Deputy Prime Minister Ishaq Dar,… pic.twitter.com/y9tXVouFj2
— Pakistan TV (@PakTVGlobal) July 3, 2026
پاکستان نے ایران اور امریکا کے درمیان حالیہ کشیدگی کے خاتمے اور جنگ بندی کی کوششوں میں اہم سفارتی کردار ادا کیا تھا، جسے دونوں ممالک نے سراہا۔ مبصرین کے مطابق پاکستانی قیادت کی آخری رسومات میں شرکت دونوں ممالک کے قریبی تعلقات اور باہمی یکجہتی کا اظہار بھی ہے۔
