پاکستانی شوبز انڈسٹری کی معروف اداکارہ ماہ نور بلوچ کی حالیہ تصاویر سوشل میڈیا پر وائرل ہونے کے بعد مداحوں کی توجہ کا مرکز بن گئی ہیں جہاں ان کے نئے انداز اور شخصیت پر مختلف آراء کا اظہار کیا جا رہا ہے۔
ماہ نور بلوچ حال ہی میں معروف ہدایت کار فہیم برنی کے ہمراہ نظر آئیں۔ فہیم برنی نے تصاویر شیئر کرتے ہوئے اداکارہ کے لیے محبت بھرے جذبات کا اظہار کیا اور لکھا، ’کافی عرصے بعد آپ سے مل کر بہت اچھا لگا۔ تمہارے ساتھ گزرا ہر لمحہ یادگار رہا۔ تم واقعی نہایت خوش مزاج ساتھی ہو اور ہمیشہ میری بہترین دوست رہو گی‘۔
View this post on Instagram
تصاویر سامنے آنے کے بعد سوشل میڈیا صارفین نے مختلف تبصرے کیے۔ کئی مداحوں نے ماہ نور بلوچ کی فٹنس اور خوبصورتی کو سراہتے ہوئے ان سے ان کی ڈائٹ اور فٹنس کا راز پوچھا جبکہ بعض صارفین کا کہنا تھا کہ وقت گزرنے کے ساتھ ان کی شکل میں نمایاں تبدیلی آئی ہے۔
یہ بھی پڑھیں: کیفے میں نماز ادا کرتے عاطف اسلم کی ویڈیو سوشل میڈیا پر وائرل
ایک صارف نے تبصرہ کیا کہ ’آخرکار ماہ نور بلوچ بھی عمر رسیدہ نظر آنے لگی ہیں‘، تاہم متعدد مداحوں نے ان کی شخصیت، اعتماد اور دلکش انداز کی تعریف کرتے ہوئے انہیں آج بھی پاکستانی شوبز کی باوقار اور خوبصورت اداکاراؤں میں شمار کیا۔
ماہ نور بلوچ ماضی میں اپنی اداکاری، منفرد انداز اور فٹنس کی وجہ سے ہمیشہ مداحوں کی توجہ کا مرکز رہی ہیں، اور آج بھی ان کی ہر نئی تصویر یا عوامی ظہور سوشل میڈیا پر موضوعِ گفتگو بن جاتا ہے۔
