کراچی سے اسکردو جانے والی نجی ایئرلائن کی پرواز ٹیک آف کے دوران برڈ ہٹ کا شکار ہو گئی، جس کے نتیجے میں طیارے کے ایک انجن کو شدید نقصان پہنچا۔ واقعے کے بعد 170 مسافروں کو بحفاظت ایئرپورٹ لاؤنج منتقل کر دیا گیا جبکہ طیارے کی مرمت کا کام جاری ہے۔
کراچی سے اسکردو جانے والی نجی ایئرلائن کی پرواز برڈ ہٹ کے باعث متاثر ہو گئی۔
یہ بھی پڑھیں:اسلام آباد ایئرپورٹ کے قریب تربیتی طیارہ گرگیا، پائلٹ اور ٹرینی زخمی
ایئرلائن کے ترجمان کے مطابق پرواز پی کے 455 میں 170 مسافر سوار تھے۔ ٹیک آف کے دوران ایک پرندہ طیارے سے ٹکرا گیا، جس کے باعث ایئربس اے 320 کے انجن نمبر دو کو شدید نقصان پہنچا۔
ترجمان نے بتایا کہ پرندہ ٹکرانے سے انجن کے بلیڈ ٹوٹ گئے، جس کے بعد طیارے کو مزید پرواز کے لیے استعمال نہ کرنے کا فیصلہ کیا گیا۔
واقعے کے بعد تمام 170 مسافروں کو بحفاظت ایئرپورٹ لاؤنج منتقل کر دیا گیا، جہاں انہیں متبادل انتظامات کی فراہمی کے لیے اقدامات کیے جا رہے ہیں۔
ایئرلائن کے مطابق طیارے کی فنی جانچ اور مرمت کا کام جاری ہے، جبکہ واقعے کی نوعیت کا بھی جائزہ لیا جا رہا ہے۔
