سوشل میڈیا پر ایک ویڈیو تیزی سے وائرل ہو رہی ہے جس میں ایک سرکاری اہلکار لگژری کار میں سوار ہو کر ایک چھوٹے سے نان والے کی دکان پر 15 روپے کے نان کی جانچ پڑتال کرتے نظر آ رہے ہیں۔
ویڈیو میں دیکھا جا سکتا ہے کہ اہلکار تنگ بازار کی گلی میں کار کھڑی کر کے اترتا ہے، نان والے کے پاس جاتا ہے، نان اٹھا کر معائنہ کرتا ہے اور دکاندار سے اس کی قیمت پر گفتگو کرتا ہے۔
ہمارا ملک اتنا امیر ہے کہ 15 روپے کا نان چیک کرنے کے لیے کروڑوں کی گاڑی میں آتے ہیں pic.twitter.com/OQXC1fODto
— Jokkerr🇵🇰 (@jokkeerrr2) July 13, 2026
اس منظر نے عوام میں شدید ردعمل پیدا کر دیا ہے جہاں لوگ سرکاری وسائل کے استعمال اور ترجیحات پر سوال اٹھا رہے ہیں۔ایک صارف نے ویڈیو شیئر کرتے ہوئے لکھا کہ ’ہمارا ملک اتنا امیر ہے کہ 15 روپے کا نان چیک کرنے کے لیے کروڑوں کی گاڑی میں آتے ہیں‘۔
شہریوں کا کہنا ہے کہ ایسے واقعات عوام میں سرکاری اداروں کے بارے میں منفی تاثر پیدا کرتے ہیں، خاص طور پر اس وقت جب مہنگائی اور روزمرہ کی ضروری اشیاء کی قیمتوں پر کنٹرول کے نام پر چھوٹے دکانداروں پر فوکس کیا جاتا ہے جبکہ بڑے مسائل نظر انداز رہتے ہیں۔
