اسلام آباد کے تھانہ کورال پولیس نے بڑی کارروائی کرتے ہوئے اسٹریٹ کرائم میں ملوث 2 گروہوں کے 5 ملزمان کو گرفتار کرلیا۔
مزید پڑھیں:اسلام آباد پولیس کا بڑا کریک ڈاؤن، چالان یافتہ منشیات فروش گرفتار
ترجمان اسلام آباد پولیس کے مطابق گرفتار ملزمان کے قبضے سے لاکھوں روپے مالیت کا چھینا گیا سامان، نقدی، 10 قیمتی موبائل فون، 2 موٹر سائیکلیں، وارداتوں میں استعمال ہونے والے 5 پستول اور گولہ بارود برآمد کر لیا گیا ہے۔
پولیس کا کہنا ہے کہ ملزمان نے دورانِ تفتیش وفاقی دارالحکومت کے مختلف علاقوں میں متعدد وارداتوں کا انکشاف کیا ہے۔ گرفتار افراد سے ایک غیر ملکی خاتون سے چھینا گیا موبائل فون اور پرس بھی برآمد کر لیا گیا۔
ترجمان کے مطابق اسلام آباد پولیس جرائم پیشہ عناصر کے خلاف ٹارگٹڈ آپریشنز کامیابی سے جاری رکھے ہوئے ہے۔
مزید پڑھیں:اسلام آباد پولیس کی بڑی کارروائی، اسلحہ ڈیلر گرفتار، بھاری مقدار میں غیر قانونی اسلحہ برآمد
ڈی آئی جی اسلام آباد محمد جواد طارق نے کہا کہ شہریوں کے جان و مال کا تحفظ اسلام آباد پولیس کی اولین ترجیح ہے، جبکہ جرائم پیشہ عناصر کے خلاف بلاامتیاز کارروائیاں جاری رہیں گی۔
