اسپین نے 2026 فیفا ورلڈ کپ کے فائنل میں ارجنٹائن کو 0-1 سے شکست دے کر دوسری بار عالمی چیمپیئن بننے کا اعزاز حاصل کر لیا ہے۔
نیویارک، نیو جرسی اسٹیڈیم میں کھیلے گئے اس سنسنی خیز مقابلے کا فیصلہ اضافی وقت میں فیرا توریس کے گول سے ہوا۔ یہ فتح اسپین کی صبر آزما اور کنٹرولڈ فٹ بال کا بہترین نتیجہ تھی۔
امریکا میں کھیلا جانے والا سنسنی خیز ورلڈ کپ فائنل مقابلے کا بیشتر حصہ اسپین کے قبضے میں رہا، جس نے ارجنٹائن پر مسلسل دباؤ برقرار رکھا۔
This is AURA. pic.twitter.com/OpURDclYwH
— TC (@totalcristiano) July 19, 2026
ارجنٹائن کے گول کیپر ایمیلیانو مارٹنیز نے کئی شاندار بچاؤ کر کے اپنی ٹیم کو مضبوط رکھا، لیکن دوسرے ہاف کے اضافی وقت میں اسپین کی محنت رنگ لے آئی ۔
WOULD YOU BELIEVE IT?! SPAIN TAKES THE LEAD IN EXTRA TIME 🇪🇸🤯
Ferran Torres gives La Roja the lead!!! pic.twitter.com/hLso0tg3LI
— FOX Sports (@FOXSports) July 19, 2026
مارٹن زوبیمینڈی کے کراس کو نیکو ولیمز نے ہیڈر کے ذریعے فیرا توریس تک پہنچایا، جنہوں نے گیند کو جال میں پہنچا کر اپنی ٹیم کو ناقابل شکست فیصلہ کن برتری دلا دی۔
حکمت عملی اور تبدیلی
اسپین کے کوچ لوئس ڈی لا فوینتے کی حکمت عملی اس وقت کارگر ثابت ہوئی جب انہوں نے متبادل کھلاڑیوں کو میدان میں اتارا۔
Spain ✊ 🇪🇸 pic.twitter.com/4y87wqbZxV
— Pakistan Strategic Forum (@ForumStrategic) July 19, 2026
فیرا توریس اور پیڈری کا میدان میں آنا میچ کا ٹرننگ پوائنٹ ثابت ہوا۔ توریس، جو مائیکل اویارزابال کی جگہ آئے تھے، نے اپنے پہلے ہی بڑے موقع کو ضائع نہیں ہونے دیا اور ٹیم کو فتح سے ہمکنار کیا۔
مایوس کن رات
ارجنٹائن کے کپتان لیونل میّسی اور ان کی ٹیم اسپین کی شاندار پوزیشننگ کے سامنے بے بس نظر آئی۔ میچ کے دوران اسپین کے کھلاڑیوں نے گیند پر مکمل کنٹرول رکھا، جس کی وجہ سے میّسی کو کھل کر کھیلنے کا موقع نہیں ملا۔
یہ بھی پڑھیں:فیفا ورلڈ کپ فائنل: ارجنٹینا کی ٹیم میں 3 بڑی تبدیلیاں، اسپین سیمی فائنل الیون کے ساتھ مد مقابل
گول ہونے کے فوراً بعد توریس کا دوسرا گول آف سائیڈ قرار دیا گیا، تاہم تب تک اسپین نے میچ پر اپنی گرفت مضبوط کر لی تھی۔
جشن کا سماں
فیرا توریس کے گول کرتے ہی اسپین کے ڈگ آؤٹ سے تمام کھلاڑی میدان میں دوڑ پڑے اور جیت کا جشن منایا۔
یہ گول نہ صرف ایک جیت تھی بلکہ اس صبر آزما کھیل کا منطقی انجام تھا جو اسپین نے پہلے منٹ سے ہی کھیلا تھا۔
Then added a second goal…until they didn’t. pic.twitter.com/C2bPmypJND
— Lina (@ShahRukhsWorld) July 19, 2026
ارجنٹائن کے کھلاڑیوں کے چہروں پر مایوسی واضح تھی کیونکہ وہ 114 منٹ تک اسپین کی جارحانہ حکمت عملی کو روکنے کے بعد آخری لمحات میں شکست کھا گئے۔
ادھر فیفا ورلڈ کپ 2026 کے فائنل میں ارجنٹینا کی فزیکلی طور پر سخت گیم آخر کار ان کے لیے وبالِ جان بن گئی۔ ٹورنامنٹ کے دوران دیگر ٹیمیں اکثر ارجنٹینا کے بار بار ہونے والے فاؤلز پر ریفریز کی جانب سے پیلے کارڈز نہ دکھانے پر شکایت کرتی رہی ہیں، مگر فائنل میں ان کی یہ حکمت عملی بری طرح ناکام ثابت ہوئی۔
اینزو فرینڈیز میدان سے باہر
میچ کے دوران اینزو فرینڈیز کو آئیمریک لاپورٹ پر ایک غیر محتاط حملہ کرنے پر دوسرا پیلا کارڈ دکھایا گیا، جس کے نتیجے میں انہیں ریڈ کارڈ کا سامنا کرنا پڑا۔
یہ بھی پڑھیں:فیفا ورلڈ کپ فائنل، ارجنٹینا کے اینزو فرینڈیز کو ریڈ کارڈ دکھا کر میدان بدر کردیا
اس فیصلے کے ساتھ ہی ارجنٹینا کی قسمت کا پہیہ الٹا گھومتا نظر آ رہا ہے۔ اب ارجنٹینا کی ٹیم کو اگلے 30 منٹ تک صرف 9 آؤٹ فیلڈ کھلاڑیوں کے ساتھ مقابلہ کرنا پڑا، جو کہ کسی بھی عالمی چیمپیئن ٹیم کے لیے انتہائی کٹھن امتحان ہوتا ہے۔
اسپین کے لیے جیت کا سنہری موقع
دوسری جانب اسپین کی ٹیم، جو پہلے ہی گول کے حصول کے لیے بے تاب تھی، نے ارجنٹینا کے 10 کھلاڑیوں کے خلاف زیادہ جارحانہ کھیل پیش کر نا شرو ع کر دیا ۔
اسپین کے کھلاڑیوں کے پاس میچ کا پانسہ پلٹنے کا بہترین موقع تھا۔ دفاعی چیمپیئن ارجنٹینا کو اپنی برتری کو برقرار رکھنا اور اسپین کے متواتر حملوں کو روکنا سب سے بڑی چیلنج بن چکا تھا۔ یہی وجہ ہے کہ وہ اسپین پر اٹیک نہ کر سکا جس کے باعث میچ مقررہ وقت میں بغیر کسی گول کے برابر رہا۔
