وزیراعظم محمد شہباز شریف نے فیفا ورلڈ کپ 2026 جیتنے پر اسپین کو مبارکباد دیتے ہوئے کہا ہے کہ ہسپانوی ٹیم نے پورے ٹورنامنٹ میں غیرمعمولی مہارت، اتحاد، نظم و ضبط اور شاندار ٹیم ورک کا مظاہرہ کیا۔
مزید پڑھیں: اسپین کی ورلڈ کپ فتح کے بعد لامین یامال بیلن ڈی اور کی دوڑ میں مضبوط امیدوار بن گئے
سماجی رابطے کی ویب سائٹ ایکس پر اپنے پیغام میں وزیراعظم نے کہا کہ وہ اسپین کی اس شاندار کامیابی پر دل کی گہرائیوں سے مبارکباد پیش کرتے ہیں۔
وزیراعظم نے امریکا کے صدر ڈونلڈ ٹرمپ اور امریکی عوام کو بھی فیفا ورلڈ کپ 2026 کے کامیاب اور بہترین انعقاد پر مبارکباد دی۔
I congratulate Spain on its well-deserved victory in the FIFA World Cup 2026. The Spanish national team displayed exceptional skill, unity, discipline, and teamwork throughout the tournament.
I extend my heartiest felicitations to President Donald Trump and the people of the…
— Shehbaz Sharif (@CMShehbaz) July 20, 2026
انہوں نے کینیڈا اور میکسیکو کی حکومتوں اور عوام کو بھی اس عالمی ایونٹ کی مشترکہ میزبانی میں بہترین تعاون پر خراج تحسین پیش کیا۔
شہباز شریف نے فیفا کے صدر جیانی انفانٹینو اور پوری فیفا ٹیم کی کوششوں کو سراہتے ہوئے کہا کہ اس میگا ایونٹ کے کامیاب انعقاد سے فٹبال کی حیثیت ایک حقیقی عالمی کھیل کے طور پر مزید مضبوط ہوئی ہے۔
مزید پڑھیں: ورلڈ کپ فائنل میں اسپین کی جیت، ناپسندیدہ ریکارڈ ارجنٹینا کے نام
وزیراعظم نے اپنے پیغام میں کہا کہ فیفا ورلڈ کپ نے ایک بار پھر ثابت کیا ہے کہ کھیل ایک ایسی عالمی زبان ہے جو سرحدوں سے بالاتر ہو کر انسانیت کو ایک دوسرے کے قریب لاتی ہے۔ انہوں نے امید ظاہر کی کہ دوستی، اتحاد اور بھائی چارے کا یہی جذبہ فائنل سیٹی بجنے کے بعد بھی دنیا کی رہنمائی کرتا رہے گا۔
