ارجنٹائن کے کپتان لیونل میسی نے ورلڈ کپ فائنل میں اسپین کے ہاتھوں شکست کو ’انتہائی تکلیف دہ‘ قرار دیتے ہوئے کہا ہے کہ اس زخم کو بھرنے میں کافی وقت لگے گا۔
تاہم انہوں نے مسلسل دوسری مرتبہ فائنل تک رسائی حاصل کرنے پر اپنی ٹیم کی تعریف کی اور بھرپور حمایت کرنے پر ارجنٹائن کے عوام کا شکریہ ادا کیا۔
یہ بھی پڑھیں: ورلڈ کپ فائنل میں اسپین کی جیت، ناپسندیدہ ریکارڈ ارجنٹینا کے نام
اتوار کو امریکی ریاست نیو جرسی کے شہر ایسٹ ردرفورڈ میں کھیلے گئے ورلڈ کپ فائنل میں اسپین نے اضافی وقت میں فیران ٹوریس کے فیصلہ کن گول کی بدولت ارجنٹائن کو ایک کے مقابلے
میں صفر سے شکست دے کر 2022 کے عالمی چیمپئنز کو مسلسل دوسری مرتبہ ٹائٹل جیتنے سے محروم کردیا تھا۔
اس شکست کے ساتھ ہی ارجنٹائن 1962 کے بعد ورلڈ کپ ٹائٹل کا کامیابی سے دفاع کرنے والی پہلی مردوں کی ٹیم بننے کا اعزاز حاصل نہ کر سکی۔
Lionel Messi is overcome with emotion after Argentina falls to Spain in the 2026 FIFA World Cup Final.
Spain captures its second World Cup title after Ferran Torres scores the only goal in extra time, ending Argentina's reign as defending champions.
The emotional scene comes… pic.twitter.com/ELiuVi0WcY
— Fox News (@FoxNews) July 19, 2026
میسی نے سوشل میڈیا پر اپنے پیغام میں لکھا کہ یہ دکھ بہت گہرا ہے اور اس زخم کو بھرنے میں کافی وقت لگے گا۔
’لیکن میں ان تمام خوبصورت یادوں کو ہمیشہ یاد رکھوں گا۔ پورے ملک کی حمایت، اور ہماری ٹیم کی محنت اور عزم نے ایک بار پھر ہمیں دنیا کی بہترین ٹیموں میں شامل کر دیا۔‘
مزید پڑھیں: میسی کی فٹنس کا کمال، ورلڈ کپ فٹبال فائنل کھیلنے والے دوسرے معمر ترین کھلاڑی بن گئے
39 سالہ میسی نے اسپین کو ورلڈ کپ جیتنے پر مبارک باد دیتے ہوئے کہا کہ ارجنٹائن کو مسلسل دوسری مرتبہ ورلڈ کپ فائنل تک پہنچنے پر فخر ہونا چاہیے۔
میسی مردوں کے ورلڈ کپ کی تاریخ میں برازیل کے سابق کپتان کافو کے بعد دوسرے کھلاڑی بن گئے ہیں جنہوں نے 3 ورلڈ کپ فائنلز میں شرکت کی۔
انٹر میامی سے وابستہ میسی ارجنٹائن کے کامیاب ترین فٹبالر تصور کیے جاتے ہیں۔
انہوں نے اپنی قیادت میں ارجنٹائن کو 2022 کا ورلڈ کپ، 2021 اور 2024 کا کوپا امریکا اور 2022 کی فائنلیسیما جتوائی، جبکہ وہ 8 مرتبہ بیلون ڈی اور کا اعزاز بھی اپنے نام کر چکے ہیں۔
اپنے پیغام کے اختتام پر میسی نے کہا کہ ایک بار پھر ہم ایک قوم کے طور پر متحد ہوئے اور ارجنٹینین ہونے کے بے پناہ فخر کو ایک ساتھ محسوس کیا۔
