ایران کے وزیر داخلہ اسکندر مومنی کے اعزاز میں پولیس لائنز اسلام آباد میں شاندار پریڈ کا انعقاد کیا گیا، جہاں ان کا وزیر مملکت برائے داخلہ طلال چوہدری کے ہمراہ پرتپاک استقبال کیا گیا۔
تقریب کے دوران اسلام آباد پولیس کے خصوصی دستے نے ایرانی وزیر داخلہ کو گارڈ آف آنر پیش کیا، جبکہ پاکستان اور ایران کے قومی ترانے بھی بجائے گئے۔
یہ بھی پڑھیں: ایرانی وزیر داخلہ کو پاکستان مونومنٹ پر گارڈ آف آنر، یادگارِ شہداء پر فاتحہ خوانی
اسکندر مومنی نے وزیر مملکت برائے داخلہ طلال چوہدری کے ہمراہ پولیس پریڈ کا معائنہ کیا اور اسلام آباد پولیس کے چاق و چوبند دستوں کی سلامی قبول کی۔
ایرانی وزیر داخلہ اسکندر مومنی کے اعزاز میں شاندار پریڈ کا انعقاد۔
ایران کے وزیر داخلہ اسکندر مومنی کا وزیر مملکت برائے داخلہ طلال چوہدری کے ہمراہ پولیس لائنز آمد۔ایران کے وزیر داخلہ اسکندر مومنی کی پریڈ گراونڈ آمد پر پرتپاک استقبال کیا گیا۔ pic.twitter.com/lQ9U6eG1Eu
— Ministry of Interior GoP (@MOIofficialGoP) July 21, 2026
اس موقع پر ایرانی وزیر داخلہ نے اسلام آباد پولیس کے جوانوں کی پیشہ ورانہ مہارت، نظم و ضبط اور کارکردگی کو سراہتے ہوئے شاندار خدمات انجام دینے والے پولیس اہلکاروں میں انعامات بھی تقسیم کیے۔
تقریب پاک ایران دوستانہ تعلقات اور دونوں ممالک کے درمیان سکیورٹی تعاون کے فروغ کی علامت قرار دی گئی۔
تقریب میں انسپکٹر جنرل اسلام آباد پولیس علی ناصر رضوی سمیت پولیس کے اعلیٰ افسران بھی موجود تھے۔
