نائب وزیراعظم اور وزیر خارجہ سینیٹر محمد اسحاق ڈار 33ویں آسیان ریجنل فورم (اے آر ایف) کے وزارتی اجلاس میں شرکت کے لیے اپنے وفد کے ہمراہ فلپائن کے دارالحکومت منیلا پہنچ گئے۔
ترجمان دفتر خارجہ کے مطابق وزیر خارجہ اجلاس کے دوران اے آر ایف کے مکمل اجلاس (پلینری سیشن) میں شرکت کریں گے، جبکہ مختلف ممالک کے اپنے ہم منصبوں سے دوطرفہ ملاقاتیں بھی کریں گے، جن میں باہمی تعلقات، علاقائی صورتحال اور مختلف شعبوں میں تعاون کے فروغ پر تبادلہ خیال کیا جائے گا۔
Mohammad Ishaq Dar @MIshaqDar50 arrived in Manila, Philippines, to participate in the 33rd ASEAN Regional Forum. A busy programme of engagements lies ahead, including participation in the ARF Plenary Meeting and bilateral meetings with counterparts on the sidelines.@KulAalam pic.twitter.com/wKk6Vaomua
— Media Talk (@mediatalk922) July 22, 2026
منیلا ایئرپورٹ پر نائب وزیراعظم اور وزیر خارجہ کا استقبال فلپائن کی وزارت خارجہ کے دفتر برائے انٹیلیجنس و سکیورٹی سروسز کے اسسٹنٹ سیکریٹری ایلمر جی کیٹو، فلپائن میں پاکستان کی سفیر عاصمہ ربانی اور پاکستانی سفارتخانے کے حکام نے کیا۔
مزید پڑھیں: نائب وزیراعظم اور وزیر خارجہ سینیٹر محمد اسحاق ڈار کی ہانگ کانگ کے چیف ایگزیکٹیو جان لی سے ملاقات
دفتر خارجہ کے مطابق اسحاق ڈار کی اس دورے کے دوران متعدد اہم سفارتی مصروفیات طے ہیں، جن میں آسیان ریجنل فورم کے اجلاس میں شرکت اور مختلف ممالک کے وزرائے خارجہ کے ساتھ اہم ملاقاتیں شامل ہیں۔
