وزیر خارجہ اسحاق ڈار نے آسٹریلین ہم منصب سے ملاقات میں دونوں ممالک کے درمیان تعلقات کو مزید مضبوط بنانے، اعلیٰ سطحی روابط بڑھانے اور خطے میں حالیہ کشیدگی کے تناظر میں مکالمے، سفارت کاری اور بین الاقوامی قانون کے احترام کو پائیدار امن و استحکام کے لیے ناگزیر قرار دیا۔
نائب وزیراعظم و وزیر خارجہ اسحاق ڈار نے فلپائن کے دارالحکومت منیلا میں جاری آسیان ریجنل فورم کے موقع پر آسٹریلیا کی وزیر خارجہ پینی وونگ سے ملاقات کی۔
یہ بھی پڑھیں: اسحاق ڈار کی آسٹریلوی ہم منصب سے گفتگو، اسلام آباد مذاکرات پر تبادلہ خیال
دفتر خارجہ کے مطابق مذکورہ ملاقات میں پاکستان اور آسٹریلیا کے دوطرفہ تعلقات، علاقائی صورتحال اور باہمی تعاون کے فروغ پر تفصیلی تبادلہ خیال کیا گیا۔
On the sidelines of the ASEAN Regional Forum #ARF2026 in Manila, Deputy Prime Minister/Foreign Minister Senator Mohammad Ishaq Dar @MIshaqDar50 met with Senator Penny Wong, Foreign Minister of Australia.
The two leaders discussed Pakistan–Australia bilateral relations and… pic.twitter.com/nbzhv9oNkD
— The Frontier Post Pakistan-USA (@TFPislamabad) July 23, 2026
دونوں رہنماؤں نے پاکستان اور آسٹریلیا کے درمیان تعلقات کو مزید مستحکم بنانے کے عزم کا اعادہ کیا اور اس مقصد کے لیے اعلیٰ سطحی روابط اور باقاعدہ سفارتی مشاورت جاری رکھنے پر اتفاق کیا۔
ملاقات کے دوران علاقائی اور بین الاقوامی پیش رفت پر بھی گفتگو ہوئی۔ آسٹریلیا کی وزیر خارجہ پینی وونگ نے خطے میں مکالمے کے فروغ اور کشیدگی میں کمی کے لیے پاکستان کے تعمیری کردار کو سراہا۔
مزید پڑھیں: آسٹریلیا کی ایران امریکا جنگ بندی برقرار رکھنے اور مذاکرات جاری رکھنے کی اپیل
دونوں رہنماؤں نے خطے میں حالیہ کشیدگی پر تشویش کا اظہار کرتے ہوئے اس بات پر زور دیا کہ پائیدار امن، استحکام اور سلامتی کے قیام کے لیے مکالمہ، سفارت کاری اور بین الاقوامی قانون کا احترام ناگزیر ہے۔
یہ ملاقات منیلا میں جاری آسیان ریجنل فورم کے موقع پر ہوئی، جہاں مختلف ممالک کے وزرائے خارجہ علاقائی اور عالمی امور پر مشاورت کر رہے ہیں۔
