نائب وزیرِاعظم و وزیرِخارجہ سینیٹر اسحاق ڈار نے آسٹریلیا کی وزیرِخارجہ پینی وونگ سے ٹیلیفونک رابطہ کیا۔
ترجمان دفترِخارجہ کے مطابق پینی وونگ نے نائب وزیرِاعظم کی سفارتی کوششوں اور ایران و امریکا کے درمیان مذاکرات میں سہولت کاری کے حوالے سے پاکستان کے مثبت کردار کو سراہا۔
انہوں نے اس ضمن میں سفارتی روابط کے فروغ کے لیے پاکستان کے مسلسل عزم کی تعریف بھی کی۔
یہ بھی پڑھیے: ’ ایرانی بندرگاہوں کی ناکہ بندی مذاکرات کی راہ میں بڑی رکاوٹ ‘فیلڈ مارشل کی ٹرمپ کو فون کال
اس موقع پر اسحاق ڈار نے 11 اور 12 اپریل کو ہونے والے اسلام آباد مذاکرات سے آگاہ کیا اور کہا کہ پاکستان مکالمے اور تعمیری روابط کے فروغ کے لیے اپنا کردار جاری رکھے گا۔
دونوں رہنماؤں نے عالمی معیشت، خصوصاً ترقی پذیر ممالک پر پڑنے والے وسیع اثرات پر تشویش کا اظہار کیا اور تنازعات کے پرامن حل کی اہمیت پر زور دیا۔
