وفاقی وزیر اطلاعات و نشریات عطا اللہ تارڑ نے کہا ہے کہ آزاد جموں و کشمیر کے انتخابات کے پہلے مرحلے میں نہ صرف بھرپور گہماگہمی رہی بلکہ تمام سیاسی جماعتوں نے بڑھ چڑھ کر انتخابی عمل میں حصہ لیا، جو ایک شفاف انتخابی عمل تھا۔
سماجی رابطے کی ویب سائٹ ایکس پر اپنے بیان میں عطا اللہ تارڑ نے کہا کہ ابتدائی معلومات کے مطابق مسلم لیگ (ن) کو پہلے مرحلے میں واضح برتری حاصل ہے۔ انہوں نے کہا کہ ان شااللہ کشمیر میں شیر دھاڑے گا۔
آزاد کشمیر کے الیکشن کے پہلے مرحلے میں نہ صرف اچھی گہما گہمی رہی بلکہ سیاسی جماعتوں نے بڑھ چڑھ کر انتخابی عمل میں حصہ لیا جو کہ ایک شفاف انتخابی عمل تھا۔ ابتدائی معلومات کے مطابق مسلم لیگ ن کو پہلے مرحلے میں واضح برتری حاصل ہے۔ انشاءاللہ کشمیر میں شیر دھاڑے گا۔ مسلم لیگ ن نے…
— Attaullah Tarar (@TararAttaullah) July 28, 2026
انہوں نے کہا کہ مسلم لیگ (ن) نے ہمیشہ کشمیر کو اپنی ترجیحات میں رکھا ہے اور قائد مسلم لیگ (ن) میاں نواز شریف کی قیادت میں جماعت نے بہترین انتخابی مہم چلائی۔
عطا اللہ تارڑ کا کہنا تھا کہ وزیراعظم شہباز شریف نے آزاد کشمیر میں ترقیاتی منصوبوں پر خصوصی توجہ دی، جس کے مثبت نتائج سامنے آ رہے ہیں۔
