پاکستان اور جنوبی کوریا کے درمیان 4 ٹیسٹ میچوں کی ہاکی سیریز کا پہلا میچ آج (30 جولائی) اسلام آباد کے نصیر بندہ ہاکی اسٹیڈیم میں کھیلا جائے گا۔ میچ پاکستانی وقت کے مطابق شام 5 بج کر 15 منٹ پر شروع ہوگا۔
پاکستان ہاکی فیڈریشن (پی ایچ ایف) کے مطابق 4 میچوں پر مشتمل سیریز 30 جولائی سے 7 اگست تک جاری رہے گی۔ شیڈول کے مطابق دوسرا ٹیسٹ یکم اگست، تیسرا 4 اگست جبکہ چوتھا اور آخری میچ 7 اگست کو کھیلا جائے گا۔ تمام میچز شام 5 بج کر 15 منٹ پر شروع ہوں گے۔
جنوبی کوریا کی قومی ہاکی 28 جولائی کو پاکستان پہنچی۔ 24 کھلاڑیوں اور آفیشلز پر مشتمل وفد کا اسلام آباد انٹرنیشنل ایئرپورٹ پر پاکستان سپورٹس بورڈ اور بین الصوبائی رابطہ (آئی پی سی) ڈویژن کے حکام نے استقبال کیا۔
The South Korea Hockey Team is putting the finishing touches to its preparations during a training session at the Naseer Bunda Hockey Stadium, Pakistan Sports Complex, Islamabad, ahead of the FIH International Test Series against Pakistan.#PakistanVsKorea @iamabidmalik pic.twitter.com/lZHfj1ke7S
— Media Talk (@mediatalk922) July 30, 2026
پی ایچ ایف نے سیریز کے لیے تکنیکی آفیشلز کا بھی اعلان کر دیا ہے۔ فیض محمد ایمپائر منیجر ہوں گے، جبکہ ہارون رشید، یاسر خورشید، فہد علی خان، اسد عباس اور ساجد رضا ایمپائرز کے فرائض انجام دیں گے۔
محمد شفیق بھٹی ٹیکنیکل ڈیلیگیٹ مقرر کیے گئے ہیں، جبکہ حمزہ طفیل، ایم وقاص احمد، عدنان شہزاد، محبوب جاوید اور مرزا جاوید ٹیکنیکل آفیشلز اور ججز میں شامل ہیں۔
مزید پڑھیں:جنوبی کوریا کی قومی ہاکی ٹیم آج پاکستان پہنچے گی، 4 بین الاقوامی ٹیسٹ میچز کھیلے جائیں گے
یہ سیریز 15 سے 30 اگست تک نیدرلینڈز میں ہونے والے ہاکی ورلڈ کپ کی تیاریوں کا اہم حصہ سمجھی جا رہی ہے۔ پاکستان 8 سال بعد عالمی کپ میں شرکت کر رہا ہے اور ٹورنامنٹ میں اپنا پہلا میچ 15 اگست کو انگلینڈ، دوسرا 17 اگست کو ویلز جبکہ روایتی حریف بھارت کے خلاف مقابلہ 19 اگست کو کھیلے گا۔
عالمی درجہ بندی میں پاکستان 12ویں جبکہ جنوبی کوریا 20ویں نمبر پر ہے۔
