آزاد جموں و کشمیر کے عام انتخابات کے سلسلے میں مظفرآباد ڈویژن کے 9 میں سے 8 حلقوں میں پولنگ پرامن انداز میں جاری ہے۔ پولیس، ضلعی انتظامیہ اور الیکشن عملے کے مؤثر انتظامات کے باعث انتخابی سامان اور عملہ بروقت پولنگ اسٹیشنز تک پہنچ گیا، جبکہ ایک بیان میں دعویٰ کیا گیا ہے کہ انتخابی عمل میں رکاوٹ ڈالنے کی کوششیں ناکام رہیں۔
ذرائع کے مطابق آزاد جموں و کشمیر میں عام انتخابات کے لیے انتخابی عمل مجموعی طور پر پرامن ماحول میں جاری ہے۔ پولیس، ضلعی انتظامیہ اور الیکشن عملے کی جانب سے کیے گئے انتظامات کے باعث انتخابی سامان اور عملہ بروقت پولنگ اسٹیشنز تک پہنچا، جس کے نتیجے میں مظفرآباد ڈویژن کے 9 میں سے 8 حلقوں میں پولنگ مقررہ وقت پر شروع ہو گئی۔
یہ بھی پڑھیں:کسی کے دباؤ میں آ کر کام نہیں کریں گے، چیف الیکشن کمشنر آزاد کشمیر کا دوٹوک اعلان
بیان میں دعویٰ کیا گیا ہے کہ عوامی ایکشن کمیٹی کی جانب سے انتخابی عمل میں رکاوٹ ڈالنے اور اسے سبوتاژ کرنے کی کوششیں کامیاب نہیں ہو سکیں۔
بیان کے مطابق ووٹرز نے جمہوری عمل پر اعتماد کا اظہار کرتے ہوئے پولنگ اسٹیشنوں کا رخ کیا اور بڑی تعداد میں اپنا حق رائے دہی استعمال کیا۔
