بھارتی ریاست اترپردیش کے بی جے پی رکن اسمبلی گیان تیواری نے اپنے داماد پر جعلی شناخت استعمال کرکے قریباً 25 خواتین سے شادی کرنے اور انہیں مبینہ طور پر دھوکا دینے کا الزام عائد کیا ہے۔
مزید پڑھیں:بالی ووڈ فلم ’دادی کی شادی‘ پاکستانی ٹیلی فلم کی کاپی ہے، سوشل میڈیا پر سنگین الزامات
گیان تیواری کے مطابق ان کی بیٹی کی شادی 2024 میں پرکھر تریویدی سے ہوئی تھی، جس نے خود کو ممبئی میں مقیم رئیل اسٹیٹ کا کاروباری ظاہر کیا اور اپنی مبینہ سابقہ شادیوں اور مجرمانہ پس منظر کو چھپایا۔
رکن اسمبلی کا کہنا ہے کہ شادی کے 2 سال سے زائد عرصے بعد سوشل میڈیا اور دیگر ذرائع سے انہیں داماد کی مبینہ سرگرمیوں کا علم ہوا۔ ان کے مطابق پرکھر نے مختلف ریاستوں میں جعلی شناخت کے ذریعے متعدد خواتین سے شادیاں کیں اور انہیں کروڑوں روپے کا نقصان پہنچایا۔
شکایت پر اترپردیش پولیس نے مقدمہ درج کرکے پرکھر تریویدی اور اس کے والد انوج تریویدی کو گرفتار کرلیا ہے۔ گیان تیواری نے اپنی بیٹی کو واپس گھر لانے اور ملزمان سے تمام سماجی و ذاتی تعلقات ختم کرنے کا بھی اعلان کیا۔
مزید پڑھیں:چترال: نوجوان کی خودکشی، گرفتار لیڈی ڈاکٹر پر شادی کے لیے دباؤ ڈالنے کا الزام
تاہم 25 شادیوں اور خواتین کو دھوکا دینے کے الزامات تاحال تحقیقات کا حصہ ہیں اور ان کی حتمی قانونی تصدیق ہونا باقی ہے۔
