امریکی کنٹری میوزک کی معروف گلوکارہ، نغمہ نگار اور اداکارہ ڈولی پارٹن کی 80 برس کی عمر میں وفات پر دنیا بھر میں مداحوں، فنکاروں اور سیاسی رہنماؤں نے گہرے دکھ اور محبت کا اظہار کیا ہے۔
برطانیہ میں بکنگھم پیلس کے باہر کنگز گارڈ کے بینڈ نے ڈولی پارٹن کے معروف گیت ’9 ٹو 5‘ کی دھن بجا کر انہیں خراج عقیدت پیش کیا، جبکہ امریکا میں نیویارک کی معروف ایمپائر اسٹیٹ بلڈنگ کو گلابی روشنیوں سے منور کیا گیا۔
King Charles III’s Royal Guard honored Dolly Parton by playing one of her biggest hits outside Buckingham Palace.
After the 80-year-old country music star died on Aug. 25 following a brief battle with cancer, the Band of the Coldstream Guards performed Parton’s 1980 hit “9 to 5”… pic.twitter.com/FHw4nMeA1e
— The Washington Post (@washingtonpost) August 26, 2026
جاپان میں معروف موسیقی پروڈیوسر سیجی کامیڈا نے ڈولی پارٹن کو یاد کرتے ہوئے کہا کہ ان کی آواز ’سورج کی طرح چمکتی تھی‘۔ ڈولی پارٹن نے 1979 میں صرف ایک مرتبہ جاپان کا دورہ کیا تھا، تاہم کامیڈا کے مطابق وہ جونیئر ہائی اسکول کے زمانے سے ہی ان کی آواز کے سحر میں مبتلا تھے۔
انہوں نے کہا کہ ڈولی کی آواز ہمیشہ زندہ رہے گی اور انہیں امن نصیب ہو۔
وزرائے اعظم، گلوکار اور دیگر معروف شخصیات سمیت دنیا کے مختلف خطوں سے تعلق رکھنے والے افراد نے ڈولی پارٹن کی موت پر تعزیتی پیغامات جاری کیے۔
JUST IN: A solemn scene at the White House as flags are brought to half-staff in honor of Dolly Parton.
President Trump ordered the tribute nationwide for one week following the country music icon’s death at 80.
"There will never be anyone like her, and never will." pic.twitter.com/ED7PTuQIxK
— Fox News (@FoxNews) August 25, 2026
برطانوی پاپ موسیقی کے نامور فنکار ایلٹن جان نے ڈولی پارٹن کو ’ایک عظیم فنکار‘ قرار دیتے ہوئے کہا کہ ان کا دل انتہائی مہربان تھا۔
سابق بیٹل پال میک کارٹنی نے کہا کہ ڈولی کے بغیر دنیا میں زندگی کا تصور کرنا مشکل ہے، انہوں نے ڈولی پارٹن کی گیت نگاری، گلوکاری اور فلاحی خدمات کو بے مثال قرار دیا۔
برطانوی شاہی خاندان نے سوشل میڈیا پر ڈولی پارٹن کو خراج عقیدت پیش کرتے ہوئے کہا کہ وہ ایسی عظیم فنکارہ تھیں جنہوں نے بے شمار لوگوں کو خوشی، سکون اور تحریک دی۔
شاہی خاندان نے ان کی فلاحی سرگرمیوں بالخصوص امیجینیشن لائبریری کا بھی ذکر کیا، جس کے ذریعے لاکھوں بچوں کو مفت کتابیں فراہم کی گئیں۔
Nashville Will Always Love You, Dolly. 🤍🦋
Music City is mourning the loss of its beloved country music icon, Dolly Parton. Dolly gave Nashville, and the world, so many unforgettable songs and memories. Now, the city she called home is celebrating her life and her iconic… pic.twitter.com/UjUDuddftW
— Unbiased News Unfiltered (@unbiasednewsuk) August 27, 2026
یوگنڈا کے جلاوطن اپوزیشن رہنما اور گلوکار بوبی وائن نے کہا کہ ڈولی پارٹن کے گیتوں نے لوگوں کو محبت کرنا اور اپنے جذبات کا اظہار کرنا سکھایا۔’ہم ہمیشہ آپ سے محبت کرتے رہیں گے۔‘
آسٹریلوی وزیراعظم انتھونی البانیز نے بھی ڈولی پارٹن کی سماجی خدمات کو سراہتے ہوئے کہا کہ انہوں نے تعلیم کے فروغ اور اسپتالوں کے لیے مالی معاونت کے ذریعے معاشرے پر گہرا اثر ڈالا۔
ان کا کہنا تھا کہ ڈولی پارٹن کی موت سے آسٹریلیا میں بھی بہت سے دل ٹوٹ گئے ہیں۔
آسٹریلیا کے شہر برسبین میں ڈولی پارٹن کا روپ دھار کر پرفارم کرنے والی بروک میک ملن نے کہا کہ انہیں ڈولی کی موت کی خبر ملنے پر ابتدا میں یقین نہیں آیا اور انہیں لگا کہ یہ کوئی افواہ ہے۔
This is a beautiful tribute from Cat Stevens, now goes by Yusuf Islam.. Dolly Parton was a beautiful soul indeed.. She never judged anyone and she gave back to the community.. She knew the struggles because she did come from poverty.. By GOD'S grace she's with her husband now… pic.twitter.com/UomaYIRjjO
— Sophia G. (@sophia_george08) August 27, 2026
ان کے مطابق ڈولی ان شخصیات میں شامل تھیں جن کے بارے میں محسوس ہوتا ہے کہ وہ ہمیشہ ہمارے درمیان رہیں گی۔
بروک میک ملن نے کہا کہ ڈولی پارٹن کی مقبولیت کی ایک بڑی وجہ ان کے گیتوں میں بیان کی گئی زندگی کی حقیقی کہانیاں تھیں، جن سے ہر عمر اور طبقے کے لوگ خود کو جوڑ سکتے ہیں۔
ان کے بقول تقریباً ہر شخص کا ڈولی پارٹن کا کوئی نہ کوئی ایسا گیت ضرور ہے جو اسے کسی خاص یاد، رشتے یا زندگی کے واقعے سے جوڑتا ہے۔
