ترکیہ میں پولیس نے 8 سال سے مفرور ایک مجرم کو گرفتار کرلیا جو گرفتاری سے بچنے کے لیے خاتون کا بھیس بدل کر رہ رہا تھا اور اپنی بہن کا شناختی کارڈ استعمال کرتا تھا۔
ترکیہ کے مقامی میڈیا کے مطابق طغرل باشار کو 2010 میں سامسون میں اختیار کے بغیر سرکاری عہدیدار کا روپ دھار کر چوری کرنے کے جرم میں 7 سال 11 ماہ قید کی حتمی سزا سنائی گئی تھی اور وہ 28 فروری 2018 سے پولیس کو مطلوب تھا۔
استخدم هوية شقيقته وتنكر في شكل امرأة.. الشرطة التركية تقبض على مدان ومحكوم بالسجن بعد هروبه لنحو 8 سنوات متنكرًا في شكل امرأة pic.twitter.com/JoUIVjqwoN
— التلفزيون العربي (@AlarabyTV) September 14, 2026
رپورٹ کے مطابق استنبول پولیس کے شعبہ انسداد جرائم کے مفرور افراد کے بیورو نے طغرل باشار کی تلاش کے لیے کارروائی شروع کی اور اس کی موجودگی ضلع کادیکوئی میں معلوم کی۔
پولیس تحقیقات کے دوران انکشاف ہوا کہ طغرل باشار شناخت چھپانے کے لیے مسلسل خاتون کا بھیس اختیار کیے ہوئے تھا جبکہ اس کے پاس اس کی بہن کا شناختی کارڈ بھی موجود تھا۔ پولیس کے مطابق وہ اسی طریقے سے کئی برس تک گرفتاری سے بچنے میں کامیاب رہا۔
یہ بھی پڑھیں:کینیڈا میں گوردوارے پر حملہ، مذہبی پیشوا سمیت 2 افراد زخمی، ملزم گرفتار
پولیس نے نگرانی کے بعد کادیکوئی میں کارروائی کرتے ہوئے طغرل باشار کو گرفتار کرلیا۔ تلاشی کے دوران اس کے قبضے سے بہن کا شناختی کارڈ برآمد ہوا۔
پولیس نے مفرور مجرم کے خلاف پہلے سے موجود سزا کے علاوہ کسی دوسرے شخص کی شناختی معلومات استعمال کرنے کے الزام میں بھی قانونی کارروائی شروع کردی اور اسے مزید کارروائی کے لیے کادیکوئی اسکیل پولیس مرکز منتقل کردیا گیا۔
