مصری فٹبال اسٹار محمد صلاح کی ایک تصویر نے ترکیہ کے شہر ٹرابزون میں واقع ایک چٹان کو مداحوں کے لیے خصوصی کشش کا مرکز بنا دیا۔
ترک کلب ٹرابزون اسپور سے وابستہ محمد صلاح نے حال ہی میں ٹرابزون کے ضلع ماچکا میں واقع ہیدرنےبی سطح مرتفع کا دورہ کیا، جہاں انہوں نے مختلف تصاویر اپنے سوشل میڈیا فالوورز کے ساتھ شیئر کیں۔
یہ بھی پڑھیں: مصری اسٹرائیکر محمد صلاح نے تیسری بار ’پلیئر آف دی ایئر‘ ایوارڈ جیت لیا
ان تصاویر میں محمد صلاح ایک چٹان کے ساتھ بیٹھے بھی دکھائی دیے، تصویر سوشل میڈیا پر وائرل ہونے کے بعد ٹرابزون اسپور کے مداحوں نے اس مقام کا رخ کرنا شروع کردیا اور اسی چٹان کے ساتھ تصاویر بنوانے لگے جہاں مصری اسٹار بیٹھے تھے۔
— Mohamed Salah (@MoSalah) September 14, 2026
مداحوں میں یہ چٹان غیر رسمی طور پر محمد صلاح سے منسوب ہونے لگی ہے، جبکہ اس مقام پر پہنچنے والے کئی شائقین نے اپنی تصاویر بھی سوشل میڈیا پر شیئر کی ہیں۔
محمد صلاح کی ٹرابزون اسپور میں شمولیت کے بعد سے ترکیہ میں ان کی مقبولیت میں نمایاں اضافہ ہوا ہے۔
کلب میں آمد کے موقع پر انہیں مداحوں کی جانب سے بھرپور پذیرائی ملی تھی، جبکہ رواں سیزن کے آغاز سے ہی انہوں نے اپنی کارکردگی سے بھی شائقین کی توجہ حاصل کی ہے۔
MO SALAH | Trazbonspor's fans have made the stone Salah sat during a photo-shoot a tourist location, following his Catterick 👋 ✨️ pic.twitter.com/MpHqtwpkFv
— Finance Normad (@FinanceNormad) September 21, 2026
دستیاب اعدادوشمار کے مطابق محمد صلاح نے مختلف مقابلوں میں ٹرابزون اسپور کی جانب سے 8 میچز میں 635 منٹ کھیلتے ہوئے 7 گول کیے جبکہ 2 گول میں اہم معاونت فراہم کی ہیں۔
یوں محمد صلاح کی میدان میں کارکردگی کے ساتھ ساتھ ان کی مقبولیت کا اثر اب ٹرابزون کے سیاحتی مقامات تک بھی پہنچتا دکھائی دے رہا ہے، جہاں ایک عام سی چٹان ان کی ایک تصویر کے باعث مداحوں کی دلچسپی کا مرکز بن گئی ہے۔
