نائب وزیراعظم و وزیر خارجہ سینیٹر محمد اسحاق ڈار نے اقوام متحدہ کے سیکریٹری جنرل انتونیو گوتریس سے وزارت خارجہ میں ملاقات کی، جس میں علاقائی و عالمی امن و سلامتی سمیت مختلف امور پر تبادلہ خیال کیا گیا۔
مزید پڑھیں:اسحاق ڈار سے برطانوی ہائی کمشنر کی ملاقات، دوطرفہ تعلقات میں مثبت رفتار کا خیر مقدم
ترجمان دفتر خارجہ کے مطابق ملاقات میں فلسطین، جموں و کشمیر، افغانستان، انسداد دہشتگردی اور کثیرالجہتی نظام کے مستقبل سمیت علاقائی اور عالمی معاملات زیر بحث آئے۔
Mohammad Ishaq Dar met UN Secretary-General António Guterres @antonioguterres in Islamabad. Discussions covered regional and global issues relating to peace and security, including Palestine, Kashmir, Afghanistan, counterterrorism, & the future of multilateralism.
@KulAalam https://t.co/t6alSkmcTD— Media Talk (@mediatalk922) October 6, 2026
اسحاق ڈار نے اقوام متحدہ کے سیکریٹری جنرل کو جموں و کشمیر اور سندھ طاس معاہدے سے متعلق پاکستان کے مؤقف سے آگاہ کیا اور جموں و کشمیر تنازع کے اقوام متحدہ کی سلامتی کونسل کی متعلقہ قراردادوں کے مطابق منصفانہ اور پُرامن حل کے لیے پاکستان کے مطالبے کا اعادہ کیا۔
نائب وزیراعظم نے مکالمے اور کشیدگی میں کمی کے لیے پاکستان کی سفارتی کوششوں پر بھی روشنی ڈالی، جن میں امریکا اور ایران کے درمیان اسلام آباد مذاکرات میں پاکستان کی سہولتکاری بھی شامل ہے۔ انہوں نے تنازعات کے حل کے لیے مکالمے اور سفارت کاری کو مؤثر ترین ذرائع قرار دیتے ہوئے پاکستان کے عزم کا اعادہ کیا۔
DPM/FM Senator Mohammad Ishaq Dar @MIshaqDar50 warmly received UN Secretary-General H.E. @antonioguterres at the Ministry of Foreign Affairs at the start of his official visit to Pakistan.
@HussainAhmedCh8 @awaisReporter @KulAalam https://t.co/om425ReJFQ— Media Talk (@mediatalk922) October 6, 2026
مزید پڑھیں:مکہ جوائنٹ ڈیفنس ایگریمنٹ اجلاس: نائب وزیراعظم اسحاق ڈار اور وزیر دفاع خواجہ آصف سعودی عرب پہنچ گئے
ترجمان کے مطابق اقوام متحدہ کے سیکریٹری جنرل انتونیو گوتریس نے اقوام متحدہ کے لیے پاکستان کی دیرینہ خدمات اور مکالمے، ثالثی اور کشیدگی میں کمی کے لیے پاکستان کی سفارتی کوششوں کو سراہا۔
