بحرین کے وزیر خارجہ عبداللطیف بن راشد الزایانی نائب وزیراعظم و وزیر خارجہ اسحاق ڈار کی دعوت پر 2 روزہ سرکاری دورے پر پاکستان پہنچ گئے ہیں، جہاں وہ ‘پاکستان بحرین مشترکہ وزارتی کمیشن’ کے تیسرے اجلاس کی مشترکہ صدارت کریں گے۔
His Excellency Dr. Abdullatif bin Rashid Al Zayani, Foreign Minister of the Kingdom of Bahrain, arrived in Islamabad today on an official visit to Pakistan from 7–8 October 2026.
He was received at the airport by Secretary EAD Muhammad Humair Karim and Additional Secretary (Middle East) Zahid Hussain.
The visit reflects the close, cordial and brotherly ties between Pakistan and Bahrain and underscores the shared commitment to further strengthening bilateral cooperation.
— Ministry of Foreign Affairs – Pakistan (@ForeignOfficePk) October 7, 2026
بحرینی وزیر خارجہ عبداللطیف بن راشد الزایانی کی اسلام آباد آمد پر اقتصادی امور ڈویژن (ای ای اے ڈی) کے سیکریٹری ’محمد ہمیر کریم‘ اور اضافی سیکریٹری (مڈل ایسٹ) ’زاہد حسین‘ نے ہوائی اڈے پر ان کا پرجوش استقبال کیا۔
ترجمان دفتر خارجہ کے مطابق سماجی رابطے کی سائٹ ’ایکس‘ پر جاری بیان میں کہا گیا کہ یہ دورہ پاکستان اور بحرین کے درمیان قائم قریبی، دوستانہ اور برادرانہ تعلقات کا عکاس ہے اور باہمی تعاون کو مزید مضبوط بنانے کی مشترکہ وابستگی کی نشاندہی کرتا ہے۔
مشترکہ وزارتی کمیشن کا تیسرا اجلاس اور مذاکرات کا ایجنڈا
دفتر خارجہ کے جاری کردہ بیان کے مطابق اپنے 2 روزہ قیام کے دوران بحرینی وزیر خارجہ اور ان کے پاکستانی ہم منصب، نائب وزیراعظم و وزیر خارجہ ’اسحاق ڈار‘ ‘پاکستان بحرین مشترکہ وزارتی کمیشن’ (جے ایم سی) کے تیسرے اجلاس کی مشترکہ صدارت کریں گے۔
🔊PR No.2️⃣7️⃣8️⃣/2️⃣0️⃣2️⃣6️⃣
Curtain Raiser: Visit of Foreign Minister of the Kingdom of Bahrain to Pakistan
🔗⬇️ https://t.co/wxLshfQTMa
— Ministry of Foreign Affairs – Pakistan (@ForeignOfficePk) October 7, 2026
اجلاس کے دوران دونوں ممالک دوطرفہ تعلقات کے تمام پہلوؤں کا تفصیلی جائزہ لیں گے اور باہمی دلچسپی کے متعدد شعبوں، بالخصوص تجارت، سرمایہ کاری، اقتصادی تعاون، دفاع و سیکیورٹی، محنت و افرادی قوت اور ثقافتی تبادلوں میں تعاون کو مزید فروغ دینے کے طریقوں پر تبادلہ خیال کریں گے۔
علاقائی و عالمی امور اور کثیر الجہتی تعاون
ترجمان دفتر خارجہ نے مزید بتایا کہ دونوں وزرائے خارجہ باہمی دلچسپی کے علاقائی اور بین الاقوامی امور کے ساتھ ساتھ کثیر الجہتی فورمز پر باہمی تعاون پر بھی خیالات کا تبادلہ کریں گے۔
دفتر خارجہ کا کہنا تھا کہ پاکستان اور بحرین کے درمیان قریبی اور برادرانہ تعلقات مشترکہ عقیدے، مشترکہ اقدار، باہمی احترام اور دیرینہ عوامی روابط پر استوار ہیں۔
مزید پڑھیں:باب المندب میں تجارتی جہازوں پر حوثی حملے میں 3 پاکستانی شہید ہوئے، دفتر خارجہ
دونوں ممالک تمام شعبوں میں باقاعدہ اعلیٰ سطحی رابطے اور قریبی تعاون برقرار رکھے ہوئے ہیں، اور بحرینی وزیر خارجہ کا یہ دورہ دوطرفہ تعلقات کی پیش رفت اور باہمی مفاد کے روابط کو مزید گہرا کرنے کے مشترکہ عزم کی عکاسی کرتا ہے۔
پاک بحرین دفاعی و اعلیٰ سطح کے رابطے
بحرینی وزیر خارجہ کا یہ دورہ بحرین نیشنل گارڈ کے کمانڈر جنرل ’شیخ محمد بن عیسیٰ بن سلمان الخلیفہ‘ کے دورہ پاکستان کے چند ماہ بعد ہو رہا ہے۔
جون میں اپنے دورہ پاکستان کے دوران جنرل ’شیخ محمد بن عیسیٰ‘ نے پاک فوج اور مسلح افواج کے تینوں سربراہان سے الگ الگ ملاقاتیں کی تھیں۔
ان ملاقاتوں کے دوران بحرینی کمانڈر نے علاقائی امن و استحکام کے لیے پاکستان کی مسلح افواج کی خدمات کو سراہا تھا اور تربیت اور صلاحیتوں میں اضافے کے اقدامات میں مزید تعاون کی خواہش کا اظہار کیا تھا۔
