معروف بھارتی اداکار اور فلم ساز نانا پاٹیکر کی اچانک موت کی خبر سامنے آتے ہی بھارتی فلم انڈسٹری میں سوگ کی لہر دوڑ گئی اور متعدد معروف فنکاروں نے سوشل میڈیا پر گہرے دکھ اور افسوس کا اظہار کرتے ہوئے انہیں خراج عقیدت پیش کیا۔
اداکار رجنی کانت نے اپنے پیغام میں کہا کہ انہیں یقین نہیں آرہا کہ ان کے عزیز دوست نانا جی اب اس دنیا میں نہیں رہے۔
یہ بھی پڑھیں: لیجنڈری بھارتی اداکار نانا پاٹیکر چل بسے
انہوں نے نانا پاٹیکر کے اہل خانہ اور مداحوں سے تعزیت کرتے ہوئے ان کی مغفرت کی دعا کی۔
پاریش راول نے نانا پاٹیکر کو ’بھاؤ‘ اور ’نانا صاحب‘ قرار دیتے ہوئے انہیں انتہائی دیانت دار اور منفرد شخصیت کا مالک اداکار قرار دیا۔ ’ان کے لیے محبت اور احترام ہمیشہ قائم رہے گا۔‘
I can’t believe my dear friend Nanaji is no longer with us. My deepest condolences to his family and loved ones. May his soul rest in peace.
— Rajinikanth (@rajinikanth) October 8, 2026
اداکار منوج باجپائی نے نانا پاٹیکر کے انتقال کو اپنے لیے اور بھارتی فلمی دنیا کے لیے بڑا نقصان قرار دیتے ہوئے کہا کہ ممبئی آکر فلموں میں جگہ بنانے کی خواہش رکھنے والے بہت سے فنکاروں کے لیے نانا پاٹیکر کا سفر امید کا ذریعہ تھا۔
انہوں نے کہا کہ نانا پاٹیکر نے ثابت کیا کہ اپنی فنکارانہ صلاحیت، انفرادیت اور اپنی اصل شخصیت سے جڑے رہ کر بھی کامیابی حاصل کی جا سکتی ہے۔
Shocking! Still cannot believe Nana Patekar ji is no more.
For so many of us who came to Mumbai hoping to find a place in films, his journey gave us hope. He made you believe that your craft, your individuality and being true to who you are could be enough to make your own… pic.twitter.com/YBhUO6AbsA
— manoj bajpayee (@BajpayeeManoj) October 8, 2026
اکشے کمار نے نانا پاٹیکر کو بھارتی سینما کے ان نایاب اداکاروں میں شمار کیا جنہیں اپنی طرف متوجہ کرنے کے لیے غیر معمولی اداکاری کی ضرورت نہیں پڑتی تھی۔
انہوں نے نانا پاٹیکر کی آواز، شدت اور ہر کردار میں حقیقت پسندی کو سراہتے ہوئے کہا کہ انہیں ’ویلکم‘ اور حالیہ فلم ’ہاؤس فل 5‘ میں نانا پاٹیکر کے ساتھ کام کرنے کا موقع ملا، جس کی یادیں ہمیشہ ان کے ساتھ رہیں گی۔
Really saddened by the news of Nana ji’s passing.
He was one of those rare actors who never needed to do too much to make you sit up and watch. That voice, that intensity, that honesty in every performance… he was completely his own.
I feel fortunate that we got to work together… pic.twitter.com/4t1X0UAfVG— Akshay Kumar (@akshaykumar) October 8, 2026
رتیش دیش مکھ نے نانا پاٹیکر کو بے مثال اداکار قرار دیتے ہوئے کہا کہ وہ ہیرو، ولن اور کامیڈی سمیت ہر طرح کے کردار میں اپنی الگ شناخت قائم کرنے کی صلاحیت رکھتے تھے۔
انہوں نے نانا پاٹیکر کی فلاحی سرگرمیوں کا بھی ذکر کیا اور کہا کہ وہ پردۂ اسکرین کے باہر بھی لوگوں کی بھلائی کے لیے کام کرتے رہے۔
اداکار روی کشن نے کہا کہ نانا پاٹیکر شہرت کی چکاچوند سے دور، سادگی، فطری انداز اور اپنی جڑوں سے جڑے رہنے کے باعث منفرد مقام رکھتے تھے۔
مزید پڑھیں: موت سے قبل نانا پاٹیکر نے دوست کو کیا پیغام بھیجا؟ ڈاکٹر نے اداکار کے آخری لمحات کی تفصیلات بتا دیں
انہوں نے نانا پاٹیکر کے ساتھ اپنے قریبی تعلق کا ذکر کرتے ہوئے کہا کہ ان سے اداکاری، سادگی اور زندگی کے بارے میں بہت کچھ سیکھا۔
پرکاش راج نے بھی نانا پاٹیکر کے ساتھ گزارے لمحات، گفتگو، اختلافات اور ان کی میزبانی کو یاد کرتے ہوئے کہا کہ وہ ان کی زندگی کا حصہ بننے پر ہمیشہ شکر گزار رہیں گے۔
اداکارہ کنگنا رناوت نے نانا پاٹیکر کے انتقال پر گہرے صدمے کا اظہار کرتے ہوئے کہا کہ وہ بظاہر بالکل صحت مند اور فٹ نظر آتے تھے، اس لیے ان کی موت کی خبر انتہائی افسوسناک اور اچانک ہے۔
💔💔💔 miss you my dear Nana ji .. Will cherish the moments spent..conversations.. arguments.. the food you cooked.. knowledge you shared . thank you for coming into my life’s journey. 🙏🏿🙏🏿🙏🏿 RIP #NanaPatekar pic.twitter.com/ijbPzxZk6s
— Prakash Raj (@prakashraaj) October 8, 2026
ہدایت کار رام گوپال ورما نے کہا کہ اگرچہ ہر شخص جانتا ہے کہ کوئی بھی ہمیشہ زندہ نہیں رہتا، لیکن نانا پاٹیکر جیسے مضبوط انسان کے اچانک انتقال پر یقین کرنا اب بھی مشکل ہے۔
سنیل شیٹھی نے نانا پاٹیکر کو بے خوف، بااصول اور اپنی ذات میں منفرد شخصیت قرار دیتے ہوئے کہا کہ سینما اب ان کے بغیر پہلے جیسا نہیں رہے گا، جبکہ رویشینا ٹنڈن نے نانا پاٹیکر کو بہادر، مضبوط اور فراخ دل انسان قرار دیا۔
ان کا کہنا تھا کہ نانا پاٹیکر نے اپنے پیچھے صرف یادیں نہیں بلکہ اپنی شخصیت اور فن کا گہرا نقش چھوڑا ہے۔
YES, everybody knows nobody is immortal .. But I still can’t believe this can so suddenly happen to a man , as strong as him .. I hate his heart for failing him and I feel like killing GOD for killing the GOD of acting , NANA PATEKAR .
— Ram Gopal Varma (@RGVzoomin) October 8, 2026
ارمیلا ماتونڈکر نے نانا پاٹیکر کے انتقال پر شدید صدمے کا اظہار کرتے ہوئے انہیں مراٹھی تھیٹر کا عظیم سرپرست اور ایک بہترین انسان قرار دیا۔
جونیئر این ٹی آر اور کوریوگرافر پربھو دیوا سمیت دیگر فنکاروں نے بھی ان کی فنی خدمات کو خراج عقیدت پیش کیا۔
نانا پاٹیکر کا فنی سفر
یکم جنوری 1951 کو ریاست مہاراشٹرا میں پیدا ہونے والے نانا پاٹیکر نے اپنی منفرد اداکاری، بھرپور مکالمہ ادائیگی اور پیچیدہ و غیر روایتی کرداروں کی وجہ سے بھارتی سینما میں نمایاں مقام حاصل کیا۔
انہیں 3 مرتبہ نیشنل فلم ایوارڈ سے نوازا گیا جبکہ 2013 میں انہیں سینما اور فنون کے شعبے میں خدمات کے اعتراف میں بھارت کا باوقار پدم شری اعزاز بھی دیا گیا۔
نانا پاٹیکر کو آخری بار عوامی سطح پر اپنی وفات سے صرف 4 روز قبل گوا کے علاقے ڈونا پاؤلا میں دیکھا گیا، جہاں انہوں نے سمراٹ کلب انٹرنیشنل کی تقریب میں خطاب کیا تھا۔
