نیویارک کامک کون میں مارول کے سیکڑوں مداحوں نے اسپائیڈر مین کا لباس پہن کر گنیز ورلڈ ریکارڈ توڑنے کی کوشش کی، تاہم منتظمین کے مطابق شرکا کی تعداد موجودہ ریکارڈ سے کچھ کم رہی۔
یہ بھی پڑھیں:باکس آفس پر تہلکہ مچانے کے بعد اسپائیڈر مین کی پھر واپسی، ’برانڈ نیو ڈے‘ میں کیا نیا ہوگا؟
خبر رساں ادارے یو پی آئی کے مطابق جمعرات کو منعقد ہونے والی اس تقریب کا اہتمام کھلونا بنانے والی کمپنی جاز ویئرز نے ڈزنی کنزیومر پروڈکٹس کے تعاون سے کیا۔ اس کا مقصد ایک مقام پر اسپائیڈر مین کا لباس پہننے والے افراد کے سب سے بڑے اجتماع کا عالمی ریکارڈ قائم کرنا تھا۔
スパイダーマン大集合のギネス挑戦🤣🤟
無料でスーツもらって準備完了！！！
達成しますようにーー🤣🙏#スパイダーマン #マーベル #NYCC pic.twitter.com/slNMv3g5vW— あゆってぃ／MARVEL&SW沼🕸️ (@ayutty_marvel) October 8, 2026
منتظمین نے تاحال شرکا کی حتمی تعداد جاری نہیں کی، تاہم ان کا کہنا ہے کہ اجتماع میں شریک افراد کی تعداد موجودہ عالمی ریکارڈ سے کچھ کم رہی۔ اسپائیڈر مین کا لباس پہننے والے افراد کے سب سے بڑے اجتماع کا ریکارڈ 2023 میں سونی پکچرز انٹرٹینمنٹ ملائیشیا نے قائم کیا تھا۔
یہ تقریب فلم ’اسپائیڈر مین: ایکروس دی اسپائیڈر ورس‘ کی سنیما گھروں میں نمائش کے موقع پر منعقد کی گئی تھی، جس میں 685 افراد نے شرکت کی تھی۔
