کراچی کے علاقے کیماڑی میں بے نظیر انکم سپورٹ پروگرام کی رقوم کی تقسیم کے دوران بھگدڑ مچنے سے ایک خاتون جاں بحق، 8 بے ہوش ہو گئیں۔
تفصیلات کے مطابق کراچی کے علاقے کیماڑی میں بے نظیر انکم سپورٹ پروگرام کی رقوم تقسیم کی جا رہی تھیں کہ اس دوران اچانک بھگدڑ مچ گئی جس سے کئی افراد زخمی جبکہ 9 خواتین بے ہوش ہو گئیں، جنہیں بے نظیر بھٹو ٹراما سینٹر منتقل کیا گیا، جہاں ایک خاتون جاں بحق ہو گئی ہے۔
سربراہ بے نظیر بھٹو ٹراما سینٹر ڈاکٹر صابر میمن کے مطابق 20 کے قریب زخمیوں کو بے نظیر بھٹو ٹراما سینٹر منتقل کر دیا گیا ہے، زخمیوں میں زیادہ تر خواتین ہیں جنہیں طبی امداد دی جا رہی ہے۔
ڈاکٹر صابر میمن کا کہنا ہے کہ اسپتال میں تاحال کسی کو مردہ حالت میں نہیں لایا گیا، زیادہ تر مریض دم گھنٹے سے متاثر ہوئے ہیں۔
