وزیراعظم شہباز شریف اور پاکستان نے یومِ اقوام متحدہ کے موقع پر اقوام متحدہ کے منشور کے اصولوں، عالمی امن، خودمختاری کے مساوی احترام اور تنازعات کے پرامن حل کے لیے اپنے عزم کا اعادہ کیا ہے۔ وزیراعظم نے کہا ہے کہ دنیا بھر میں اقوام متحدہ کے منشور کے کئی بنیادی اصولوں کی مسلسل خلاف ورزی تشویش ناک ہے، خصوصاً مقبوضہ جموں و کشمیر اور فلسطین میں ان اصولوں کی خلاف ورزیاں نمایاں ہیں۔
یہ بھی پڑھیں:اقوام متحدہ کے سیکریٹری جنرل انتونیو گوتریس کا دورہ پاکستان اختتام پذیر
وزیراعظم شہباز شریف نے 24 اکتوبر 2026 کو یومِ اقوام متحدہ کے موقع پر اپنے پیغام میں کہا کہ پاکستان عالمی برادری کے ساتھ اقوام متحدہ کے منشور کی 81ویں سالگرہ منا رہا ہے۔ انہوں نے کہا کہ پاکستان تمام ریاستوں کی خودمختار مساوات، دوسرے ممالک کے اندرونی معاملات میں عدم مداخلت، حق خودارادیت اور تنازعات کے پرامن حل کے اصولوں سے وابستہ ہے۔
Prime Minister Muhammad Shehbaz Sharif's Message on the Occasion of United Nations Day, 24 October 2026.
Pakistan joins the international community in celebrating United Nations Day 2026, marking the eighty-first anniversary of the UN Charter.
On this historic day, we…
— Prime Minister's Office (@PakPMO) October 24, 2026
اقوام متحدہ کے امن مشنز میں پاکستان کا کردار
وزیراعظم نے اقوام متحدہ کے ان امن اہلکاروں کو خراجِ عقیدت پیش کیا جنہوں نے فرائض کی ادائیگی کے دوران اپنی جانیں قربان کیں، خصوصاً پاکستانی اہلکاروں کی قربانیوں کو سراہا۔ ان کا کہنا تھا کہ پاکستان اقوام متحدہ کے عالمی امن مشنز میں سب سے زیادہ اہلکار فراہم کرنے والے ممالک میں شامل رہا ہے اور نیلے ہیلمٹ پہن کر عالمی امن کے لیے خدمات انجام دینے پر فخر کرتا ہے۔
انسانی امداد اور ترقی میں اقوام متحدہ کی اہمیت
شہباز شریف نے اقوام متحدہ کے مختلف اداروں کے کردار کو بھی سراہا، جو دنیا بھر میں انسانی بحرانوں سے نمٹنے، صحت اور تعلیم کے فروغ اور ترقیاتی ضروریات پوری کرنے میں مدد فراہم کرتے ہیں، خصوصاً ترقی پذیر ممالک میں۔
𝐇𝐚𝐩𝐩𝐲 𝐔𝐧𝐢𝐭𝐞𝐝 𝐍𝐚𝐭𝐢𝐨𝐧𝐬 𝐃𝐚𝐲!🇺🇳
On #UNDay, Pakistan reaffirms its commitment to the ideals and principles of UN Charter and multilateralism guided by the vision of our founding father, Quaid-i-Azam. Since joining the UN in 1947, Pakistan’s foreign policy rests… pic.twitter.com/IEoHuwnjIs
— Ministry of Foreign Affairs – Pakistan (@ForeignOfficePk) October 24, 2026
وزیراعظم نے کہا کہ پاکستان کثیرالجہتی تعاون کے اصول پر قائم ہے اور چاہتا ہے کہ اقوام متحدہ عالمی چیلنجز سے نمٹنے کے لیے بین الاقوامی کوششوں کی قیادت کرتا رہے۔ انہوں نے تمام رکن ممالک اور اقوام متحدہ کے ساتھ مل کر کام جاری رکھنے کے عزم کا اظہار کیا تاکہ سب کے لیے امن اور خوشحالی کے منشور کے وژن کو حقیقت بنایا جا سکے۔
پاکستان کی خارجہ پالیسی کے بنیادی اصول
وزرات خارجہ پاکستان نے اپنے الگ پیغام میں کہا کہ 1947 میں اقوام متحدہ میں شمولیت کے بعد سے اس کی خارجہ پالیسی خودمختاری کے مساوی احترام، عدم مداخلت، حق خودارادیت اور تنازعات کے پرامن حل کے اصولوں پر قائم ہے۔ پاکستان نے پائیدار ترقی، عالمی تعاون اور امن کے لیے اپنی کوششیں جاری رکھنے کے عزم کا بھی اظہار کیا۔
