بھارتی دارالحکومت نئی دہلی کے ایک اسکول میں 9 سالہ طالبہ اچانک بے ہوش ہوکر گر پڑی اور بعد ازاں اسپتال میں دم توڑ گئی۔ ابتدائی اطلاعات کے مطابق بچی کی موت دل کا دورہ پڑنے یا دل کی دھڑکن بند ہونے کے باعث ہوئی، تاہم حتمی وجہ پوسٹ مارٹم رپورٹ کے بعد سامنے آئے گی۔
بھارتی میڈیا کے مطابق واقعہ بدھ کی صبح مےور وہار فیز 2 کے لولی ہیریٹیج اسکول میں پیش آیا، جہاں تیسری جماعت کی طالبہ کھیل کے وقفے کے بعد کلاس روم میں واپس آئی تو اچانک گر پڑی۔ سی سی ٹی وی فوٹیج میں بچی کو کلاس میں داخل ہونے کے کچھ ہی دیر بعد منہ کے بل زمین پر گرتے دیکھا جاسکتا ہے۔
#Delhi | मयूर विहार स्थित लवली पब्लिक स्कूल में तीसरी कक्षा की 9 वर्षीय छात्रा क्लासरूम में अचानक अचेत होकर गिरी; निर्माण विहार के अस्पताल में उसे मृत घोषित किया गया, पुलिस CCTV और अन्य साक्ष्यों की जांच कर रही है। #DelhiPolice #MayurVihar
#SchoolNews #media24india pic.twitter.com/J7tt5FcgBE— TGN-Tha Gonda News (@ThaGondaNews) November 5, 2026
استاد نے فوری طور پر بچی کو اٹھایا، ہوش میں لانے کی کوشش کی اور اس کے چہرے پر پانی کے چھینٹے مارے، تاہم کامیابی نہ ملنے پر مدد کے لیے باہر چلی گئیں۔
اسکول کا عملہ بچی کو قریبی اسپتال لے گیا، جہاں اسے داخل کرنے سے انکار کردیا گیا۔ بعد ازاں اسے نرمان وہار کے ایک دوسرے اسپتال منتقل کیا گیا، جہاں ڈاکٹروں نے اس کی موت کی تصدیق کردی۔
یہ بھی پڑھیں:دہلی میں 40 سے زائد اسکولوں کو بم کی دھمکی کس نے اور کیوں دی؟
دہلی پولیس کو صبح 9 بج کر 52 منٹ پر واقعے کی اطلاع موصول ہوئی۔ پولیس نے سی سی ٹی وی فوٹیج قبضے میں لے لی ہے اور اسکول انتظامیہ کے بیانات بھی ریکارڈ کرلیے ہیں۔
اسکول انتظامیہ کا کہنا ہے کہ بچی کو دل کا دورہ پڑا تھا اور اسے فوری اسپتال منتقل کیا گیا۔ تاہم اہل خانہ نے بروقت ابتدائی طبی امداد فراہم نہ کرنے اور سی پی آر نہ دینے پر تحفظات کا اظہار کیا ہے۔
