بالی ووڈ سلطان سلمان خان فلم ’کس کا بھائی کس کی جان‘ کے بعد فلموں سے عارضی علیحدگی اختیار کر لی ہے، کچھ نیا کرنے کو تیار نظر آ رہے ہیں، اداکار نے اپنے ڈائریکٹر سنجے لیلا بھنسالی سے رابطہ کر لیا، وہ کچھ ایسا کرنا چاہتے ہیں جو انہوں نے پہلے نہ کیا ہو اور اپنی خواہش کے مطابق اسکرپٹ نہ ملنے تک فلموں سے علیحدگی اختیار کریں گے۔
انڈین ٹائمز کے مطابق سلمان خان کا کہنا ہے کہ فلم ’انشاء اللہ‘ ایک زبردست لو سٹوری تھی، جس کا اسکرپٹ بالکل نیا تھا اور وہ ایسے ہی نئے اسکرپٹ کا انتظار کر رہے ہیں۔ ’انشاء اللہ‘ کے لیے انہوں نے سنجے لیلا بھنسالی سے رابطہ کیا ہے۔
مزید پڑھیں
سنجے لیلی بھنسالی کی فلم ’انشاء اللہ‘ میں سلمان خان اور عالیہ بھٹ پہلی بار ایک ساتھ نظر آنے والے تھے جس کا باقاعدہ اعلان بھی کر دیا گیا تھا تاہم سلمان خان نے فلم میں کام کرنے سے انکار کر دیا تھا جس کے بعد ڈائریکٹر سنجے لیلا بھنسالی نے فلم ’گنگو بھائی کاٹھیا واڑی‘ بنائی، اس فلم میں عالیہ بٹ نے مرکزی کردار ادا کیا جبکہ ان کے ساتھ بالی ووڈ سٹار اجے دیوگن نے مرکزی کردار ادا کیا۔
’انشاء اللہ‘ سے علیحدگی کے بعد سلمان خان نے بالی ووڈ کو ’کس کا بھائی کس کی جان‘ کامیاب فلم دی، تاہم اب انہوں نے ایک بار پھر ’انشاء اللہ‘ میں کام کرنے کی خواہش کا اظہار کیا ہے۔
