انسداد دہشت گردی عدالت لاہور نے مختلف مقدمات میں رہنما تحریک انصاف ڈاکٹر یاسمین راشد، خدیجہ شاہ اور دیگر ملزمان کے جوڈیشل ریمانڈ میں 20 جولائی تک توسیع کر دی۔
انسداد دہشتگردی عدالت میں رہنما تحریک انصاف ڈاکٹر یاسمین راشد کے خلاف 9 مئی کو لاہور کے علاقے شیر پاؤ پل پر اشتعال انگیز تقریر کرنے کے مقدمے سماعت ہوئی، انسداد دہشت گردی عدالت کی جج عبہر گل نے کیس کی سماعت کی ۔
عدالت نے پولیس کو آئندہ سماعت پر چالان پیش کرنے کی ہدایت کرتے ہوئے ملزمہ ڈاکٹر یاسمین کے جوڈیشل ریمانڈ میں 20 جولائی تک توسیع کر دی۔
ملزمہ خدیجہ شاہ و دیگر ملزمان کے جسمانی ریمانڈ میں 20 جون تک توسیع
ملزمہ خدیجہ شاہ اور دیگر ملزمان کے خلاف جناح ہاؤس جلاؤ گھیراؤ کے مقدمے کی سماعت بھی انسداد دہشتگردی عدالت لاہور میں ہوئی، انسداددہشت گردی عدالت کی جج عبہر گل نے کیس کی سماعت کی ۔
پولیس نے خدیجہ شاہ، صنم جاوید سمیت دیگر کو جوڈیشل ریمانڈ مکمل ہونے کے بعد عدالت میں پیش کیا ۔
عدالت نے آئندہ سماعت پر پولیس کو چالان پیش کرنے کی ہدایت کی اور خدیجہ شاہ سمیت دیگر ملزمان کے جوڈیشل ریمانڈ میں 20 جولائی تک توسیع کر دی۔
