بھارت کے ویٹرن اداکار دھرمیندر کے اہل خانہ میں سے بھی کئی بالی ووڈ سے وابستہ ہیں اور فلم انڈسٹری میں اپنی علیحدہ پہچان رکھتے ہیں۔ اس خاندان کے حوالے سے حال ہی میں سنہ 42 برس پرانا ایک دلچسپ لیکن تھوڑا عجیب واقعہ سامنے آیا ہے جس پر کافی اس فیملی کے کافی پرستار محظوظ ہوئے تو چند ایک نے ناگواری کا بھی اظہار کیا۔
ہندوستان ٹائمز کی ایک رپورٹ کے مطابق دھرمیندر نے اپنی بیٹی اور اداکارہ ایشا دیول کی پیدائش کے وقت اپنی اہلیہ و معروف ایکٹریس ہیما مالنی کے لیے 100 بستروں پر مشتمل پورا اسپتال بک کروالیا تھا۔
بالی ووڈ فلم بینوں میں سے کچھ نے سوشل میڈیا پر ہیما مالنی کے لیے سنہ 1981 میں بیٹی پیدا ہونے کے موقع پر ایک پورا ہسپتال بک کروانے پر دھرمیندر کو تنقید کا نشانہ بنایا۔
اداکاروں کی ویٹرن جوڑی دھرمیندر اور ہیما مالنی نے سنہ 1980 میں شادی کی تھی۔ اب ایک پرانی ویڈیو منظر عام پر آئی ہے جس میں ہیما مالنی کی ایک سہیلی نیتو کوہلی نے پورا اسپتال ریزرو کروالینے والے واقعے اور اس کے پیچھے چھپی وجہ سے پردہ اٹھایا ہے۔
نیتو کوہلی نے بتایا کہ کس طرح ہیما مالنی نے ایشا دیول کو خفیہ طور پر جنم دیا تھا اور اس بات کو یقینی بنانے کے لیے کہ کسی کو ہیما کی پیدائش کے بارے میں علم نہ ہو دھرمیندر نے ایک اسپتال میں تمام 100 کمرے بک کرالیے تھے۔ ایشا دیول 2 نومبر 1981 کو پیدا ہوئی تھیں۔
وہ ویڈیو حال ہی میں ریڈ اٹ پر شیئر ہوئی ہے اور اس پر منفی ردعمل بھی سامنے آیا ہے۔ بہت سے لوگ یہ نہیں سمجھ سکے کہ دھرمیندر کو ایشا کی پیدائش کے لیے پورے 100 کمروں کا اسپتال کیوں بک کرنا پڑا۔
اس ویڈیو میں نیتو کوہلی نے واقعے کی تفصیل بتاتے ہوئے کہا تھا کہ جب ایشا پیدا ہونے والی تھی تو کسی کو نہیں معلوم تھا کہ ہیما حاملہ ہے اس لیے دھرم جی (دھرمیندر) نے ایشا کے لیے پورا اسپتال بک کروا لیا تھا تاکہ کسی کو کان و کان خبر نہ ہو۔ وہ ڈاکٹر دستور کا نرسنگ ہوم تھا۔
