رواں برس مئی میں کوئٹہ میں ہونے والے نیشنل گیمز میں شریک 5 گولڈ میڈلسٹ کھلاڑیوں کے ڈوپ ٹیسٹ مثبت آگئے۔
پاکستان سپورٹس بورڈ (پی ایس بی) کی میڈیکل ٹیم نے مجموعی طور پر 20 کھلاڑیوں کے پیشاب کے نمونے حاصل کیے تھے جن کے نتائج پاکستان اسپورٹس بورڈ کو موصول ہو گئے ہیں۔
ذرائع کے مطابق 20 میں سے 5 کھلاڑیوں کی طرف سے نیشنل گیمز کے دوران قوت بخش ادویات کے استعمال کی نشاندہی ہوئی ہے۔ ان میں 4 ایتھلیٹس ایشا عمران، رابعہ عاشق، نعیم اختر، عزیر الرحمان اور ایک ویٹ لفٹر محمد طاہر شامل ہیں۔ ان تمام کھلاڑیوں نے نیشنل گیمزمیں گولڈ میڈل جیتے تھے۔
#PMinQuetta pic.twitter.com/70Wr45XlCy
— Marriyum Aurangzeb (@Marriyum_A) May 22, 2023
ڈوپ ٹیسٹ مثبت آنے پر انکوائری کمیٹی بنائی جائے گی جو ان کھلاڑیوں کو بلاکر ان کا مؤقف معلوم کرنے کے ساتھ ان کو بی سمپل ٹیسٹ کرانے کا آپشن دے گی۔ تمام ضروری کارروائی مکمل ہونے کے بعد ان ایتھلیٹس پر 2 سے 4 سال تک پابندی لگائی جا سکتی ہے۔
ایشا نے 100, 200, 400 میٹر میں قومی 🥇 🥇 🥇 جیتے تو سب نے سراہا لیکن ذہن میں سوالات تھے کہ اس کم سن لڑکی نے لڑکوں کے ٹائم میں کیسے جیتا؟؟؟ اب وجہ ڈوپ ٹیسٹ کے مثبت ہونے کی صورت میں سامنے آگئی، 400ریلے اور800 میٹر کی قومی چیمپئن رابعہ عاشق کا بھی ڈوپ ٹیسٹ مثبت، کوچ بھی قصور وار؟ pic.twitter.com/qtoqQiylDb
— Shoaib Jatt (@Shoaib_Jatt) July 15, 2023
ایشا عمران کو 200 میٹر ریس میں حصہ لینے سے روک دیا گیا
ایشین ایتھلیٹکس چیمپئن شپ کی 200 میٹر ریس میں پاکستان کی ایشا عمران حصہ نہ لے سکیں۔ ذرائع کے مطابق ایشا عمران کو نیشنل گیمز میں ڈوپ ٹیسٹ مثبت آنے کے بعد ایشین ایتھلیٹکس سے روکا گیا ہے۔ ایشا عمران نے نیشنل گیمز میں 100 میٹر دوڑ میں گولڈ میڈل جیتا تھا۔
