بھارت کرکٹ ٹیم کے سابق کپتان مہندر سنگھ دھونی کھیل کی دنیا میں تو منفرد پہچان رکھتے ہی ہیں لیکن بہت کم لوگ جانتے ہیں کہ انہیں جیپ، کاریں اور موٹر سائیکلز جمع کرنے کا جنون کی حد تک شوق ہے، جو کوئی بھی ان کا گیراج دیکھ لیتا ہے تو بے ساختہ مُنہ سے یہی جملہ نکلتا ہے کہ یہ گھر ہے یا شو روم؟
سابق بھارتی کرکٹرز وینکٹاش پرساد اور سنیل جوشی نے گزشتہ روز بھارتی ریاست جھارکھنڈ کے دارالحکومت رانچی میں واقع مہندر سنگھ دھونی کے گھر کا دورہ کیا۔ اس دوران وہ دھونی کے 2 منزلہ گیراج میں بھی گئے اور وہاں موجود موٹر کیلکشن دیکھ کر حیران رہ گئے۔ اس لیے وینکٹاش پرساد نے وہاں ایک ویڈیو کلپ بھی بنوایا جسے دھونی کی بیگم ساکشی دھونی نے شوٹ کیا، اس موقع پر انہوں نے دونوں کرکٹرز کے خیالات جاننا چاہا تو ان کا یہی جواب تھا کہ یہ جنون اور پاگل پن ہے، یہ تو بالکل کسی شو روم کا سا منظر لگ رہا ہے۔
One of the craziest passion i have seen in a person. What a collection and what a man MSD is . A great achiever and a even more incredible person. This is a glimpse of his collection of bikes and cars in his Ranchi house.
Just blown away by the man and his passion @msdhoni pic.twitter.com/avtYwVNNOz— Venkatesh Prasad (@venkateshprasad) July 17, 2023
ویڈیو میں دیکھا جا سکتا ہے کہ دھونی کے پاس گاڑیاں اور موٹر سائیکلز بہت زیادہ تعداد میں موجود ہیں، گیراج کی دونوں منزلیں موٹر کیلکشن سے بھری ہوئی ہیں۔ دھونی کے پاس قریباً ہر معروف کمپنی کی جدید اور قدیم گاڑیاں، جیپیں اور موٹر سائیکلز موجود ہیں۔
