سماجی رابطے کی دو بڑی ویب سائٹس ایکس اور میٹا روایتی حریف سمجھی جاتی ہیں یہی وجہ ہے کہ آئے روز سوشل میڈیا پر ان دونوں ویب سائٹس کے سربراہ ایک دوسرے پر طنز کے تیر برساتے رہتے ہیں۔ حال ہی میں ایلون مسک نے سوشل میڈیا پلیٹ فارم ایکس پر ایک پوسٹ کرتے ہوئے لکھا کہ فیس بک کے بانی مارک زکر برگ کے ساتھ ان کی کیج فائٹ کو ایکس پر براہِ راست نشر کیا جائے گا۔ایلون مسک نے اپنی پوسٹ میں مزید کہا کہ ایونٹ سے حاصل ہونے والی تمام آمدنی سابق فوجیوں کے لیے کام کرنے والے خیراتی ادارے کو عطیہ کر دی جائے گی۔
Zuck v Musk fight will be live-streamed on 𝕏.
All proceeds will go to charity for veterans.
— Elon Musk (@elonmusk) August 6, 2023
ایلون مسک نے اس کشتی کی تیاریوں کے حوالے سے ٹویٹ کرتے ہوئے لکھا میں دن بھر ویٹ لفٹنگ کر رہا ہوں، لڑائی کی تیاری کر رہا ہوں، ورزش کرنے کاوقت نہیں ہے لیکن پھر بھی کام کر رہا ہوں۔
ایلون مسک کی تیاریوں پر تبصرہ کرتے ہوئے ایک صارف نے ان سے پوچھا کہ کیا اس کشتی کا مقصد کیا ہے؟ کیا ورزش کرنے کی موٹیوشن ہے؟ جس کے جواب میں ایلون مسک نے کہا کہ یہ جنگ کی ایک مہذب شکل ہے۔ مرد جنگ پسند کرتے ہیں۔
Elon, what is the point of the fight? Is it to motivate you to work out?
— Daniella Souza 𝕏 (@_LoveArtDeco) August 6, 2023
ایلون مسک نے اس لڑائی کا اعلان کیا تو میٹا کے مالک مارک زکر برگ نے سماجی رابطے کی ایپ تھریڈ پر پوسٹ کرتے ہوئے لکھا ایلون مسک کی ایپ ایکس پیسے جمع کرنے کے لیے زیادہ قابل اعتماد نہیں ہے۔ انہوں نے کہا کہ انہیں اس مقصد کے لیے زیادہ قابل اعتماد پلیٹ فارم استعمال کرنا چاہیے۔
نیوز نائن میں شائع ایک رپورٹ کے مطابق ایلون مسک مارک زکربرگ کے فیس بک کو ہمیشہ تنقید کا نشانہ بناتے رہے ہیں اور جب سے میٹا نے جولائی میں ایلون مسک کے سوشل میڈیا پلیٹ فارم ایکس کے مقابلے میں تھریڈز کو لانچ کیا ہے یہ سرد جنگ مزید شدت اختیار کر چکی ہے۔ یہی وجہ ہے کہ جون کے اوائل میں ایلون مسک نے کہا کہ وہ مارک زکربرگ کے ساتھ کیج میچ کے لیے تیار ہیں۔
امریکی جریدے انسائڈر کے مطابق ایلون مسک نے کہا ہے کہ اس لڑائی سے قبل ان کو کمر کی سرجری کرنے کی ضرورت پڑ سکتی ہے۔ انہوں نے مزید کہا کہ اس لڑائی کی تاریخ کے بارے میں ابھی کچھ کہا نہیں جا سکتا لیکن اس لڑائی سے قبل میں اپنی گردن اور کمر کا ایم آر آئی کرؤاں گا۔
