بجلی کے بلوں میں ماہانہ فیول پرائس ایڈجسٹمنٹ کی مد میں ایک ماہ کے لیے اضافے کا نوٹیفکیشن جاری کر دیا گیا ہے۔ جس کے مطابق کراچی کے لیے بجلی 2 روپے 31 پیسے جبکہ سرکاری تقسیم کار کمپنیوں کے لیے ایک روپے 81 پیسے فی یونٹ مہنگی کر دی گئی ہے۔
ملک بھر کے بجلی صارفین کے لیے قیمتوں میں اضافہ کر دیا گیا ہے ماہانہ فیول پرائس ایڈجسٹمنٹ کی مد میں کراچی کے شہریوں کے لیے 2 روپے 31 پیسے جبکہ دیگر صارفین کے لیے ایک روپے 81 پیسے بجلی مہنگی کر دی گئی ہے۔
National Electric Power Regulatory Authority
نیشنل الیکٹرک پاور ریگولیٹری اتھارٹی (نیپرا) نے اس ضمن میں نوٹیفکیشن جاری کر دیے ہیں، جس کے مطابق کراچی کےصارفین پر 4ارب 30کروڑ روپے جبکہ بجلی کی دیگر تقسیم کار کمپنیوں کے صارفین پر 24 ارب روپے کا اضافی بوجھ پڑے گا۔
مزید پڑھیں
نیپرا کی جانب سے جاری نوٹیفکیشن کے مطابق کے الیکٹرک اور ملک بھر میں بجلی کی دیگر تقسیم کار کمپنیوں کے صارفین اضافی ادائیگیاں اگست کے بلوں میں کریں گے۔
کے الیکٹرک صارفین ایک ماہ کے لیے 4 ارب روپے سے زائد جبکہ دیگر تقسیم کار کمپنیوں کے صارفین مجموعی طور پر 24 ارب روپے سے زائد ادا کریں گے۔
کے الیکٹرک کی جانب سے نیپرا میں 2 روپے 34 پیسے جبکہ سی پی پی اے نے ایک روپے 88 پیسے اضافے کی درخواست کی تھی اور نیپرا نے دونوں درخواستوں پر 26 جولائی کو سماعت کے بعد فیصلہ محفوظ کیا تھا۔
