پاکستان تحریک انصاف کے چیئرمین عمران خان کے وکیل انتظار حسین پنجوتھا نے کہا ہے کہ سابق وزیراعظم کو جیل میں سہولیات کی فراہمی کے معاملے پر سپرنٹنڈنٹ جیل کے رحم و کرم پر چھوڑ دیا گیا ہے۔
سماجی رابطے کی ویب سائٹ ’ایکس‘ پر اپنے ایک بیان میں انہوں نے لکھا کہ عدالت نے ملاقات کے لیے بھی جیل انتظامیہ کے رحم وکرم پر چھوڑ دیا، صرف اتنا کہا گیا کہ ملاقات کا موقع دیا جانا چاہیے۔
آخرکار عدالت کا حکم نامہ آیا ہے اور عمران خان کو بظاہر تمام بنیادی سہولتوں جس میں کھانا اور شامل ہے سپرانٹینڈنٹ جیل کے رحم و کرم پر چھوڑ دیا گیا ہے
جیل انتظامیہ نے کہا کہ وہ عمران خان سابق وزیراعظم کو ان کے حق کے مطابق سہولیات دی جاری ہیں لیکن ہمارا بنیادی نکتہ ہی یہی تھا کہ جب…— Intazar Hussain Panjutha (@intazarpanjutha) August 12, 2023
ان کا کہنا تھا کہ جیل انتظامیہ نے عدالت کو بتایا کہ عمران خان کو سابق وزیراعظم کی حیثیت سے سہولیات دی جا رہی ہیں، لیکن ہم پوچھتے ہیں کہ جب اس جیل میں سہولیات میسر ہی نہیں تو جیل انتظامیہ کہاں سے پیدا کر رہی ہے۔
واضح رہے کہ اسلام آباد ہائیکورٹ نے آج احکامات دیے تھے کہ جیل انتظامیہ ہفتے میں ایک یا ایک سے زیادہ دن عمران خان کی فیملی اور وکلا کے ساتھ ملاقات یقینی بنائے۔
