پٹرولیم مصنوعات کی قیمتوں میں اضافہ کے بعد پاکستان ریلویز نے تمام مسافر بردار ٹرینوں کے کرایوں میں دس فیصد اضافہ کرد یا۔
ریلوے ہیڈکوارٹر کی جانب سے جاری نوٹیفکیشن کے مطابق تمام میل ایکسپریس ٹرینوں کے کرایوں میں 10 فیصد جبکہ مال گاڑیوں کے کرایوں میں 5 فیصد اضافہ کیا گیا
ہے۔
نوٹیفکیشن کے مطابق کرایوں میں کیے گئے اضافے کا اطلاق آج سے ہو گیا ہے۔
نئے کرایے کے مطابق خیبرمیل، ملت، بہاؤالدین زکریا، سکھر ایکسپریس، علامہ اقبال، ہزارہ ایکسپریس، پاکستان ایکپریس، فرید ایکسپریس اور رحمان بابا ایکسپریس کا 1 سے 20 کلو میٹر اکانومی کلاس کا کرایہ 150، اے سی اسٹینڈرڈ 650، اے سی بزنس 900 جبکہ اے سی سلیپر 1000 روپے ہو گیا۔
اس کے علاوہ کراچی ایکسپریس، بزنس ایکسپریس، قراقرم ایکسپریس، جعفر ایکسپریس، شالیمار ایکسپریس، تیز گام اور تمام خصوصی ٹرینیوں کا 1 سے 20 کلو میٹر اکانومی کلاس کا کرایہ 200 روپے، فرسٹ سلیپر 500 روپے، اے سی اسٹینڈرڈ 650 روپے، اے سے پارلر 850 روپے، اے سے بزنس 950 روپے جبکہ اے سی سلیپر 1050 روپے ہوگیا۔
نئے کرایوں کے مطابق گرین لائن کی اکانومی کلاس کا کرایہ 500 روپے، اے سے اسٹینڈرڈ 1000، اے پارلر 1150 روپے جبکہ اے سی بزنس کلاس 1250 روپے ہوگیا۔
کرایوں میں 10 فیصد اضافے کے بعد کراچی سے مختلف شہروں کا کرایہ یہ ہو گا۔
کراچی سے راولپنڈی:
کراچی سے راولپنڈی کی اکانومی کلاس کا کرایہ 3200، اے سی کلاس کا 7700، اے سی بزنس کا 8900 جبکہ اے سی سلیپر کا کرایہ 11،900 روپے ہوجائے گا۔
کراچی سے لاہور:
کراچی سےلاہور کی اکانومی کلاس کا کرایہ 2850، اے سی کلاس کا 5450، اے سی بزنس کا 7650 جبکہ اے سی سلیپر کا کرایہ 10،100 روپے ہوجائے گا۔
کراچی سے پشاور:
کراچی سے پشاور کی اکانومی کلاس کا کرایہ 3500، اے سی کلاس کا 8200، اے سی بزنس کا 9450 جبکہ اے سی سلیپر کا کرایہ 12،800 روپے ہوجائے گا۔
کراچی سے حویلیاں:
کراچی سے حویلیاں کی اکانومی کلاس کا کرایہ 3300، اے سی کلاس کا 8000، اے سی بزنس کا 8900 جبکہ اے سی سلیپر کا کرایہ 12،300 روپے ہوجائے گا۔
