خیبر ٹیچنگ اسپتال کے اینڈو اسکوپی کی ٹیکنیشن حلیمہ بی بی اسپتال کے واش روم میں مردہ پائی گئیں۔
پولیس کی جانب سے فراہم کردہ ابتدائی تفصیلات کے مطابق بی بی حلیمہ کے جسم پر انجیکشن اور ہاتھوں پر بظاہر بلیڈ کے زخموں کے نشانات پائے گئے۔
لاش کو پوسٹ مارٹم کے لیے بھیج دیا گیا ہے۔ ڈاکٹروں کے مطابق حلیمہ کےجسم کے مختلف حصوں پر انجیکشن کے نشانات پائے گئے ہیں۔
حلیمہ بی بی کا تعلق ضلع نوشہرہ کی تحصیل پبی سے ہے۔ اسپتال ڈائریکٹر ڈاکٹر ظفر آفریدی کے مطابق واقعے کی مزید تفصیلات کے لیے تحقیقاتی کمیٹی قائم کردی گئی۔
