ایف آئی اے نے سوشل میڈیا کے ذریعے چائلڈ پورنوگرافی مواد شئیر کرنے اور بلیک میلنگ کرنے کے الزام میں ایبٹ آباد سے ایک شخص کو گرفتار کرلیا۔
ایف آئی اے سائبر کرائم سرکل ایبٹ آباد کے مطابق ملزم گلتاسب مبینہ طور پر سوشل میڈیا کے ذریعے چائلڈ پورنوگرافی مواد شئیر کرتا تھا اور پھر متاثرہ افراد کو بلیک میل کیا کرتا تھا۔
ملزم کے خلاف کارروائی بین الاقوامی ادارے کی رپورٹ کی روشنی میں کی گئی اور اسے حویلیاں ضلع ایبٹ آباد سے گرفتار کیا گیا۔
ابتدائی تفتیش کے مطابق ملزم کے موبائل سے چائلڈپورنوگرافی مواد اور سوشل میڈیا اکاؤنٹ برآمد کر لیا گیا۔
ملزم کے قبضے سے موبائل فون، میموری کارڈ اور سمز بھی برآمد کر لی گئیں۔ اس کے خلاف پیکا ایکٹ کے تحت مقدمہ درج کر لیا گیا ہے جبکہ اس حوالے سے مزید تفتیش جاری ہے۔
