چیف ڈرگ کنٹرولر پنجاب نے نگراں وزیر صحت پنجاب جاوید اکرم کی اہلیہ کی فارماسوٹیکل کمپنی کی تیار کردہ ٹیبلیٹ ریسوٹن ملاوٹ شدہ اور غیرمعیاری قرار دیتے ہوئے کارروائی کا آغاز کر دیا۔
چیف ڈرگ کنٹرولر پنجاب نے اہلیہ ڈاکٹر جاوید اکرم کی نجی فارماسوٹیکل کمپنی کی دوا کا استعمال فوری روکنے کا حکم دیتے ہوئے ریسوٹن دوا کا اسٹاک واپس منگوا لیا۔
مزید پڑھیں
چیف ڈرگ کنٹرولر نے کہاکہ نجی کمپنی کی دوا ملاوٹ شدہ اور غیرمعیاری ہے، تاہم تمام فارمیسز اور میڈیکل اسٹور، اسٹاک کی فروخت فوری روک دیں۔
’ٹیبلٹ ریسوٹن کی دوا فوری طور پر واپس بھجوائی جائے۔‘
چیف ڈرگ کنٹرولر کے مطابق دوا کا استعمال مریضوں کے لیے جان لیوا ہوسکتا ہے، اس لیے ڈرگ انسپکٹر فوری طور پر دوا کا اسٹاک واپس منگوائے۔
نگراں وزیر صحت پنجاب ڈاکٹر جاوید اکرم نے اپنے موقف میں کہاکہ دوا کا استعمال الرجی کے امراض کے لیے کیا جاتا ہے اور کمپنی میری فیملی کی ہے۔ دوا میں پیراسٹامول کے چند ٹریسز پائے گئے ہیں۔
نگراں وزیر صحت کا کہنا ہے کہ بیرون ملک میں بھی ادویات کا اسٹاک واپس منگوایا جاتا ہے، ادویات میں مزید کوئی مسئلہ نہیں آیا، ادویات کا اسٹاک واپس منگوا لینا اچھا عمل ہے۔
