راولپنڈی کے علاقے تھانہ وارث خان کی حدود میں خاتون معلمہ سے ڈکیتی کرنے والا دوسرا ڈاکو بھی گرفتار ہو گیا ہے، دونوں ڈاکو بھائی ہیں۔
سی پی او سید خالد ہمدانی نے راولپنڈی پولیس کے سوشل میڈیا پلیٹ فارم ایکس پر اپنے پیغام پر بتایا ہے کہ وارث خان کے علاقہ میں خاتون سے ڈکیتی اور تشدد کرنے والا دوسرا ڈاکو بھی گرفتار کر لیا گیا ہے، ایک دن قبل پہلا ملزم گرفتار کیا جاچکا ہے۔
وارث خان کے علاقہ میں خاتون سے ڈکیتی اور تشدد کرنے والا دوسرا ڈاکو بھی گرفتار، ایک دن قبل پہلا ملزم گرفتار کیا جاچکا ہے۔
سفاک ڈاکؤوں کی جلد گرفتاری ایک چیلنج تھا جسے الحمدللہ مختصر وقت میں مکمل کیا، شہریوں کی جان و مال کا تحفظ ہرصورت یقینی بنائیں گے، سی پی او سید خالد ہمدانی pic.twitter.com/j3I4X2SY5a
— Rawalpindi Police (@RwpPolice) August 31, 2023
سی پی او سید خالد ہمدانی کا کہنا ہے کہ سفاک ڈاکوؤں کی جلد گرفتاری ایک چیلنج تھا جسے الحمدللہ مختصر وقت میں مکمل کیا گیا ہے، شہریوں کی جان و مال کا تحفظ ہر صورت یقینی بنائیں گے۔
اس واردات میں ملوث دوسرا ڈاکو پہلے ہی گرفتار ہو چکا ہے جبکہ ڈکیتی کے دوران خاتون سے چھینی گئی اشیا بھی ڈاکوؤں سے برآمد کر لی گئی ہیں۔
سی پی او سید خالد ہمدانی نے پولیس ٹیم کے ہمراہ متاثرہ خاتون کے گھر کا دورہ کر کے ڈاکوؤں سے برآمد ہونے والی اشیا خاتون ٹیچر کے حوالے کیں۔
