ترقی پذیر ممالک میں جہاں انسانی زندگی کی بھی کوئی قدر نہیں ہوتی وہیں ترقی یافتہ ممالک میں جانوروں کے بھی حقوق ہوتے ہیں، ایسا ہی ایک دلچسپ واقعہ انگلینڈ کے حوالے سے رپورٹ ہوا ہے۔
انگلینڈ میں اچانک ایک اژدھا سڑک پر نمودار ہو گیا جسے لوگوں نے دیکھتے ہی مارنے کا فیصلہ نہیں کیا بلکہ پولیس کو اطلاع دی، جس کے بعد متعلقہ محکمے کے لوگ وہاں پر پہنچ گئے اور اژدھے کو بحفاظت وہاں سے پکڑ لیا گیا۔
مزید پڑھیں
ویسٹ مڈلینڈز پولیس نے اپنی انسٹا گرام میں پوسٹ میں بتایا کہ اژدھا اچانک سڑک پر آ گیا تھا۔ جسے قابو کر لیا گیا ہے۔
پولیس کی جانب سے ایک تصویر شیئر کی گئی ہے جس میں دکھایا گیا ہے متعلقہ محکمے کے لوگ اژدھے کو قابو کرنے کے لیے اقدامات کر رہے ہیں۔
عملے نے اژدھے کو قابو کرنے کے بعد اسے قریبی ویٹرنری اسپتال منتقل کیا جہاں اسے طبی امداد بھی دی گئی کہ کہیں پکڑنے کے دوران اس کی صحت پر کوئی برا اثر نہ پڑا ہو۔
