پریانکا چوپڑا نے رواں برس مئی میں کزن پرینیتی چوپڑا کی منگنی کی تقریب میں شرکت کی تھی لیکن گزشتہ روز (اتوار) شادی میں شرکت نہیں کی۔ پرینیتی چوپڑا اور راگھو چڈھا کی شادی میں شرکت کے بعد ان کی خالہ مدھو چوپڑا کی ایک ویڈیو سامنے آئی ہے، جس میں انہوں نے بتایا کہ پریانکا چوپڑا نے شادی میں شرکت کیوں نہیں کی؟
فوٹوگرافرز نے جب پریانکا چوپڑا کی والدہ مدھو چوپڑا سے پوچھا کہ پریانکا شادی میں کیوں نہیں تھیں تو انہوں نے کہا کہ وہ کام کر رہی ہیں۔
پریانکا چوپڑا جو اس وقت امریکا میں ہیں، انہوں نے گزشتہ روز ہی انسٹاگرام اسٹوریز پر اپنی اور نک جونس کی بیٹی مالتی میری چوپڑا جونس کے ساتھ ایک تصویر شیئر کی تھی۔ اور بتایا تھا کہ جونس برادرز کے امریکا بھر میں ہونے والے کنسرٹ کے باعث وہ شادی میں شریک نہیں ہو سکیں گی۔
اگرچہ پریانکا چوپڑا اور ان کی فیملی شادی کی تقریبات سے غیر حاضر تھی ، لیکن ان کی والدہ مدھو چوپڑا جمعہ کو ادھے پور پہنچی تھیں اور شادی کی تمام تقریبات کا حصہ تھیں۔
اداکارہ پرینیتی چوپڑا اور عام آدمی پارٹی کے رہنما راگھو چڈھا نے اتوار 24 ستمبر کو راجستھان کے علاقے ادھے پور میں ایک بڑی پنجابی ٹائپ شادی کی ہے۔ اگلے روز ہی جوڑے نے انسٹاگرام پر شادی کا باضابطہ البم شیئر کیا۔ راگھو نے سفید شیروانی پہن رکھی تھی جبکہ پرینیتی نے کریم اور گولڈن ویڈنگ لہنگا پہنا ہوا تھا۔ پریانکا چوپڑا نے پوسٹ پر کمنٹ کرتے ہوئے لکھا کہ ’ہمیشہ میری دعائیں۔‘
From the very first chat at the breakfast table, our hearts knew. Been waiting for this day for a long time .. So blessed to finally be Mr and Mrs!
Couldn’t have lived without each other .. Our forever begins now .. 💖 pic.twitter.com/M1xQ8BIHLt
— Parineeti Chopra (@ParineetiChopra) September 25, 2023
