ملک بھر میں آئے روز ٹریفک حادثات کی خبریں سماجی رابطوں کی ویب سائٹس کی زینت بنتی رہتی ہے، پاکستان کے تقریبا ہر علاقہ میں کم عمر بچے ڈرائیونگ کرتے دکھائی دیتے ہیں ۔ بعض اوقات انتہائی کم عمر بچے گاڑیاں چلا رہے ہوتے ہیں۔ نتیجتا وہ جان لیوا حادثات کا سبب بنتے ہیں۔ پنجاب اور با لخصوص کراچی میں یہ مسئلہ گھمبیر ہوتا جا رہا ہے۔ اور یہ ایک ایسا مسئلہ ہے جس پر قابو پانے میں حکام کو ناکامی کا سامنا ہے۔
اس وقت ایک تصویر سماجی رابطے کی ویب سائٹ ٹویٹر پر گردش کر رہی ہے جس میں دیکھا جا سکتا ہے کہ ایک کم عمر بچہ ڈرائیونگ سیٹ پر براجمان ہے اور ایک بڑی گاڑی چلا رہا ہے۔
ٹویٹر صارف زاہد ابراہیم نے بچے کی تصویر شئیر کرتے ہوئے لکھا کہ آپ کو کیا لگتا ہے کہ یہ بچہ مین کلفٹن روڈ پر گاڑی چلا رہا ہے اس کی عمر کیا ہوگی؟ جب میں نے تین تلوار پر تعینات ٹریفک سارجنٹ سے اسے روکنے کو کہا۔ اس نے جواب دیا ہم نے اسے کئی بار روکا ہے وہ نہیں سنتا۔
How old do you think this child is driving a car on main Clifton Road. When I asked the traffic sergeant posted at teen talwar to stop him. He replied, “we have stopped him many times. He doesn’t listen.” @trafficpolice_k pic.twitter.com/ewvszIoJgJ
— Zahid F. Ebrahim (@zfebrahim) February 19, 2023
اس تصویر پر تبصرہ کرتے ہوئے ایک صارف نے لکھا کہ وہ سن کیوں نہیں رہا؟ کیا وہ بھی ایک مشہور انسان ہے؟
Why doesn’t he listen? Is he a “popular” guy too?
— Kamran Malik (@Kamran_KIMS) February 19, 2023
گفتگو مزید آگے بڑھی تو پاکستان کے وزیر دفاع خواجہ آصف بھی خود کو اس تصویر پر تبصرہ کرنے سے روک نہیں سکے ۔ انہوں نے لکھا
امیروں کے چونچلے ہیں.. قانون کا نفاذ غریب اور بے آسرا پہ ہوتا ہے.
امیروں کے چونچلے ھیں.. قانون کا نفاذ غریب اور بے آسرا پہ ھوتاھے https://t.co/iNeEKpy0Pv
— Khawaja M. Asif (@KhawajaMAsif) February 19, 2023
تصویر پر بحث کرتے ہوئے کچھ صارفین نے معاملہ کی سنگینی کی طرف توجہ دلانے کی بھی کوشش کی اور حکومت سے مطالبہ کیا کہ ایسے بچوں کے والدین سے بھاری جرمانہ لینا چاہئے۔ ٹویٹر صارف سمرین اطہر نے لکھا 1 بار پکڑ کر جیل میں ڈالدیں اور گاڑی ضبط کر لیں بہترین حل
1 بار پکڑ کر جیل میں ڈالدیں اور گاڑی ضبط کر لیں بہترین حل
— Samreen Ather (@samreen_73) February 20, 2023
واضح رہے کہ سال 2021 میں کراچی ٹریفک پولیس نے سندھ ہائی کورٹ کی جانب سے شہر میں بڑھتے ہوئے سڑک حادثات کا نوٹس لینے کے بعد کم عمر ڈرائیوروں اور ان کے والدین کے خلاف مہم شروع کرنے کا فیصلہ کیا تھا۔ میڈیا رپورٹس کے مطابق کراچی میں ہونے والے زیادہ تر سڑک حادثات میں 18 سال سے کم عمر کے ڈرائیور شامل ہیں۔
