بھارت میں جاری آئی سی سی مینز کرکٹ ورلڈ کپ 2023 میں آج سری لنکا اور آسٹریلیا کی ٹیمیں مدمقابل آئیں گی۔ عالمی ایونٹ کے 14ویں میچ میں سری لنکا اور آسٹریلیا کی ٹیمیں لکھنؤ کے ایکانا سپورٹس کرکٹ اسٹیڈیم میں پاکستانی وقت کے مطابق دوپہر ڈیڑھ بجے ان ایکشن ہوں گی۔
یاد رہے کہ دونوں ٹیموں کا یہ تیسرا میچ ہے، پہلے دونوں میچوں میں آسٹریلیا کامیاب نہیں ہو سکی جبکہ سری لنکا کو بھی دونوں میچوں میں شکست کا سامنا کرنا پڑا تھا۔ آج دونوں ٹیمیں اپنی اپنی پہلی جیت کا عزم کیے میدان میں اتریں گی۔ 1996 کے فائنل میں کامیابی کے بعد سے سری لنکا آسٹریلیا کیخلاف ورلڈ کپ کے 7 مقابلوں میں ناکام رہا ہے۔
