ورلڈ کپ 2023 میں پاکستان اور آسٹریلیا کے درمیان شیڈول میچ سے 2 روز قبل بھارت کے شہر بنگلورو کے تجارتی مرکز میں ایک دھماکہ ہوا ہے جبکہ پاکستان کی قومی کرکٹ ٹیم بھی ان دنوں بنگلورو میں موجود ہے۔
بھارتی میڈیا کے مطابق دھماکہ ایک 4 منزلہ عمارت میں سلنڈر پھٹنے کے باعث ہوا، دھماکے کے بعد عمارت میں آگ بھڑک اٹھی جس نے دیکھتے ہی دیکھتے پوری عمارت کو اپنی لپیٹ میں لے لیا۔
مزید پڑھیں
ابتدائی رپورٹس میں کہا گیا ہے کہ دھماکہ عمارت کی چھت پر واقع ایک کیفے میں گیس سلنڈر پھٹنے کے باعث ہوا، دھماکے کے نتیجے میں 2 افراد زخمی ہوئے ہیں۔
واضح رہے 5 اکتوبر کو پاکستان اور بھارت کے درمیان احمد آباد میں کھیلے گئے میچ سے قبل بھارتی میڈیا نے دہشت گردی کا الرٹ جاری ہونے کی اطلاعات دی تھیں جس کے بعد احمد آباد اسٹیڈیم اور اس کے اطراف میں سیکیورٹی بڑھا دی گئی تھی۔
