پاکستان سپر لیگ (پی ایس ایل) کے آٹھویں ایڈیشن میں پشاور زلمی کے کپتان بابر اعظم نے کراچی کنگز کی مسلسل شکست پر پوچھے گئے سوال کا دلچسپ جواب دے دیا۔
جمعرات کو اسلام آباد یونائیٹڈ نے پشاور زلمی کو یکطرفہ مقابلے میں 6 وکٹوں سے شکست دی۔میچ کے بعد پریس کانفرنس کے دوران صحافی نے بابر اعظم سے سوال کیا کہ پی ایس ایل کے آخری ایڈیشن میں آپ کراچی کی ٹیم میں تھے اور آپ کی کپتانی میں کنگز 9 میچز ہاری تھی اور آپ کو شکستوں کا قصور وار ٹھہرا یا جارہا تھا’۔
ایک صحافی نے بابر اعظم سے پوچھا کہ اس سال آپ کراچی کنگز چھوڑ گئے تو کافی بات ہو رہی تھی کہ کنگز کی کارکردگی میں بہتری آئے گی لیکن ابھی بھی کراچی کو مسلسل شکست کا سامنا ہے تو آپ کو کیا لگتا ہے وہ اس سیزن میں کہا غلطیاں کر رہے ہیں؟ بابر نے مسکراتے ہوئے صحافی کو جواب دیا کہ میں ان کا کوچ تھوڑی ہوں، آپ مجھ سے پوچھ رہے ہیں، آج کی میچ کی بات کریں۔
He plays for Peshawar, but the journalist asks about Karachi Kings. Babar answered him beautifully👏♥️. #PSL8 #HBLPSL8 #PSL2023 #BabarAzam pic.twitter.com/NhQOt62TFg
— Shaharyar Ejaz 🏏 (@SharyOfficial) February 23, 2023
یاد رہے کہ پی ایس ایل 8 میں کراچی کنگز نے اب تک 5 میچز کھیلیں ہیں جس میں اسے 4 میں شکست کا سامنا کرنا پڑا ہے۔
گزشتہ سیزن میں بابر کی کپتانی میں کراچی کنگز نے 10 میں سے 9 میچز ہارے، تاہم اس سال بابر نے کراچی کو چھوڑ کر زلمی میں شمولیت اختیار کی اور کراچی کی کپتانی دوبارہ عماد وسیم کو سونپی گئی۔
